U-1409-11-09-0001
1409 November 9, Spittal an der Drau
Regest
Heinrich Wildhauser, Hans Leisser und Ludwig Sachs vermitteln für ihren Herren, dem Grafen von Cilli, im Streit zwischen Erzbischof Eberhard III. von Salzburg und Graf Friedrich III. von Ortenburg.
Transkription
Iſt vermerkt wie wir es auff den teg die yecz zu ſand Lientharts tag benant ſind zwiſchen den hochwirdigen herren hern Eberharten erczbiſchouen ze Salzburg etc. vnd den wolgeboren herren graf Fridr. grafen zu Ortenburg vnſern gnedigen herren, von paiden tail vernomen vnd wie er d wir das zwiſchen ins verlaſſen haben.
Des genanten herren von Salczburg maynung iſt vnd wir haben das alſo verlaſſen das vnſer gnediger herre von Cili den spruchbrief fur ſich neme, daran er vormaln zwiſchen den genanten von Ortenburg, vnd dem vordern von Salczburg biſchoff Gregoren ſelig auſſgeſprochen hat vnd was auch ander s zu spruch, stozz vnd prechen ſein, von paiden tayllen fur in bracht werdent, vnd was er dann darauff macht vnd ſpricht, dabey wil er auch an auſſzug peleiben vnd er pegert vnd maynt, alſo darumb mit ſeiner kuntſchafft fur vnſern egen. herren von Cili komen, wenn oder wohin er im einen tag darumb benenee.
So iſt vnſers gen. herren von Ortenburg maynung, vnd wir haben das auch alſo verlaſſen iſt das es vnſerm gen. hern von Cili ſeinem oheim geuelliklich iſt wand er wider ſeinen spruch vnd sygel in den spruchbrief nicht redt, vnd den ſeydhalben gern haltet, wand er darinne gen im nicht gemerkt wil ſein, so mag der gn. von Cili ob im das geualle das recht wol darumb sprechen was in dem spruchbrief, im oder dem von Salczburg abgeſprochen iſt in welhen stuken das ſey.
Vnd was ander zuſpruch ſtozz vnd pecchern gegen einander ſein, die ſullen paidtayll fur in pringen vnd die ſol er verhoren, vnd ob welhe stük er ſew mit paidertail wiſſen vnd willen freuntlich nicht geaynnen mag, welher tail des dann begert so ſol er das recht nach verhorung paidertaill küntſchafft, auſſprechen, dabey er dann auch gern peleiben wil vnd auch gern zu dem tag komen, wen er in den benennen werdet.
Vnd des ſein wir taydinger geweſen von vnſers gen. herren von Cili wegen Hainreich Wilthauſer Hanns Leyſſer vnd Ludwig Sax. Geben zum Spitall an samſtag nach ſand Lienharts tag anno domini mo ccccmo nono.
Archivvermerke
Recto
1409 (bei den Matreier Akten gelegen) [mit Bleistift in Kurrentschrift]
Beschreibung
3 Sigg. imp. unter Papier
Pap., 22 x 27 cm, Wasserzeichen: Kreisring 40 mm
Überlieferung
Ausfertigung
Salzburger Landesarchiv, Originalurkunden, 1409 XI 9
