U-1388-10-11-0001
1388 Oktober 11, Celje
Regest
Graf Hermann II. von Cilli und Graf Wilhelm von Cilli bestätigen, dass Bischof Johann IV. von Gurk ihnen und Konrad Fruten dem Mayerhofer nach dem Tode der Pettauer Kinder ihre Lehen zu gleichen Teilen verleiht.
Transkription
Wir graf Hermann und graf Wilhalm vettern von Cili. Bechenn offennl. mit dem brief vnd tun chünd. Als der erwirdig vnſer beſunder lieber herr vnd frewͦnd biſchoff Johans ze Gürk vns vnd ſeins pruͦderſuͦn Chůnrat Frůten dem Mayerhofer, von beſuͦndern gnaden verlihen hat, alle die lehen, die von im vnd ſeinem goczhawͦs zelehen ſind die di kinder von Pettaẅ yeczuͦnd innhabent nach der egen. kind abgang, als die brief ſagent, die er vns vnd dem vorgn. ſeins pruderſuͦn darumb geben hat, vnd beſůnderlich die veſten Rabenſperch, Lemberg Erchenſtain, vnd daz Newhaẅs. Auch verhaiſſen wir wiſſentlich und loben mit dem gegenwürtigem brif mit vnſern trewͦen, alſo, wenn daz iſt daz es vmb dieſelben lehenſchaft ze ſchulden chumbt so ſullen die vorgen. lehen Chuͦnr. Fruten dem Mayerhofer gleich halbe geuallen vnd ſol auch gleich halben tail in den ſelben lehen haben vnd ſullen wir im die geuallen laſſen in allez geuerd vnd an irrung nach ſag dez lehen brifs den er vns paiden tailen darumb geben hat. Mit vrchvnd dicz brifs verſigelt mit vnſers obgn. graf Hermans anhangunden inſigel vnd mit vnſers obgn. graf Wilhalms auch anhangünden petſchad wand wir zu diſen zeiten noch aigens inſigel nicht gehabt haben. Geben dacz Cili an suntag vor Galli nach Χρi gepurt drewͦczehen hundert iar vnd darnach in dem acht vnd achczigistem jare.
Beschreibung
Perg., 28,5 × 18,5 cm (Plica 3 cm)
2 Sigg. pend. fehlen (2 Einschnitte für Siegelbefestigung, bei zweitem kurzer Pergamentstreifen erhalten)
Archivvermerke
recto
Eigenthum des Bisth. GURK (Stempel rechts oben)
Copirt und adiustirt im Arch. d. Joann 1866 (Stempel von Plica verdeckt)
verso
(1388) 72
Des von Pettaw lehen vmb die biſch. Johanns der Mairhofer gelihen hett n. den von Cili von Chünraten dem Früten dem Mairhofer ſeins bruder ſun
87 (Aufkleber)
1388, 11. Octob., Cilli.
Überlieferung
Ausfertigung
Archiv der Diözese Gurk, Urkunden, 148
Abschrift
Steiermärkisches Landesarchiv, Allgemeine Urkundenreihe,
Regest
Krones, Franz: Urkunden zur Geschichte des Landesfürstenthums, der Verwaltung und des Ständewesens der Steiermark von 1283–1411. In Regesten und Auszügen (Veröffentlichungen der Historischen Landeskommission für Steiermark 9). Graz 1899, S. 85/95, Nr. 340. ALO OBV
Internet
Monasterium.net, Urkunde: Urkunden Ordinariatsarchiv ADG_Urk_0148 <https://www.monasterium.net/mom/AT-ADG/ADG-OrdUrk/ADG_Urk_0148/charter>
