U-1382-07-04-0001
1382 Juli 4
Regest
Graf Hermann I. von Cilli überträgt seiner Ehefrau Gräfin Katharina von Cilli ein Haus in Celje.
Transkription
Wiͣr Graf Hermann von Cili vergehen mit dem brif vnd tuͦn kuͦnt, daz wir mit vnſers lieben vettern graf Wilhalms vnd mit vnſers lieben suns graf Hermanns wiſſen, günſt vnd güten willen vnſer lieben wirtinn, vnd gemahel greͣfinn, Kathr. von Cili geben haben, daz gemawrt haws darinn wir emallen maiſter Spiegel behawſt hetten, zu ſeinen lebtagen, vnd daz ſi von demſelben maiſter Spiegel gelöſt hat, mit irem beraitem gelt, daz gelgegen iſt daz Cili, zwiſchen des Helfenberger haws vnd des Windiſchen Satler, mit alle dew, vnd darzuͦ gehört, ſwie daz genant, oder gehaiſſen iſt, nichts auzzgeczogen vnd haben ir daz geben für rechts aigen, alſo, daz ſi damit tuͦn vnd wandeln mag nach ire willen, ſwie ir daz aller fügleichiſt ſey, an all irrung, auch haben wir in daſſelb haws, mit alle dew, vnd darczu gehört, ſwie daz genant, oder gehaiſſen iſt, gefreyet vor allem dinſt, ſwie der genant iſt, all die zeit, vnd ſi daſſelb haws ſelb innhat vnd des ze vrkund geben wir, in, diſen brief, mit vnſerm anhangundem inſigel beſigelten. Der geben iſt nach Chriſti gebürd, drewczehen hundert iar dar nach in dem zwei vnd achczigistem jar, an sand Vlreichs tag.
Beschreibung
1 Sig. pend. besch. Hermann I., Graf von Cilli (Siegel), Wachs, rund
Archivvermerke
verso
1382 VII 4 (mit Bleistift)
2 (in Rot)
Überlieferung
Ausfertigung
Kärntner Landesarchiv, Grafenstein, vereinigte Herrschaften, B 9 AT-KLA 213-B-9 St
Internet
Monasterium.net, Kärntner Landesarchiv, Grafenstein, vereinigte Herrschaften AT-KLA 213-B-9 St <https://www.monasterium.net/mom/AT-KLA/KLA-213/AT-KLA_213-B-9_St/charter>
