U-1345-07-23-0001

1345 Juli 23, Graz

Regest

Graf Ulrich V. von Pfannberg schließt mit den Brüdern Friedrich, Ulrich und Otto von Stubenberg ein Bündnis.

Transkription

Wir graf Vlr. von Phannperch marschall in Oster. vnd hauptman ze Kernd. veriehen mit disem brief daz wir vns gegen vnsern libe oheym Frydr. Vlreich vnd Ott den bruͦdern von Stuͦbenberch verlubt vnd verpunden haben mit vnsern trewen swaz vnz vnd den vnsern furbaz von in wer den iren beschiht oder welherlay aufleuͦf zwischen vnz aufstuenden daz wir noch die vnsern dar zu inchez tun sullen wir bringen es e an vnser egenant oheim von Stubenberg weren aber si vns ze vor so sullen wir es anbringen den edeln man Vlreich von Wallse hauptmann in Steyr vnsern lieben swager vnd swelchen wer ez vnder in anbringen so sol es dar nach gesten ein gancz manod daz wir nichts dar zu tun sulle vnz sol auch in den selben manoed vnd den vnsern widertan vnd gepezzert werden waz vns von vnsern egenanten oheymen vnd den wen beschehen ist daz dis vorgeschriben punt vnd gelubd von nvz stet beleiben vnd vntzebrochen dar vber geben wir disen brief versigelten mit vnserm anhangunden insigel. Der geben ist zu Gretz des samcztags vor sand Jacobs tag nach Christes gepurt tausent drev hundert iar dar nach in dem fümf vnd vierczigistem iare.

Beschreibung

Ausf. Perg.

Archiv

Ausfertigung

Steiermärkisches Landesarchiv, Allgemeine Urkundenreihe, zu 2262