U-1341-12-05-0001
1341 Dezember 5, Celje
Regest
Hans von Königsberg verpflichtet sich, Graf Friedrich I. von Cilli Schulden in Höhe von 400 Gulden bis 6. Jänner 1342 zu zahlen.
Transkription
Ich Hans von Chunigſperch vnd mein howſurawͤ vnd vnser erben veriehen vnd tuͤn chunt mit diſem brif daz wiͤr vnſerm liben herren graf Fridr. von Cilli ſeiner howſurowͤn vnd iren erben gelten ſullen vnd widercheren viͤr hundert guldein, die vns worden ſind von Rudlein von Chaczenſtain vnd von ſeiner geſelſchaft die da genomen worden des chuniges chamrer von Vngern vnd ſullen wiͤr ſew der vorgenant viͤr hundert guldein richten vnd weren auf den percht tag der neſt chumpt. Tet wiͤr des nicht welhen ſchaden ſi des nement den iͤr ainez pai ſein trewn mag geſagen den ſullen wiͤr in ablegen gar vnd genczlich, an alle chlag vnd taiding, daz loben wiͤr in pei vnſern trewͤn an aides ſtat, vnd ſullen ſi daz haben auf vns vnd auf alle dew vnd wiͤr haben. Vnd wer auch an vnſers herren ſtat iſt des herczog der ſol ſew weren vnd richten von allem vnſerm guͤt mit vnſerm guͤten willen, an alle wider rede. Daz loben wiͤr ſtet ze halten pei vnſern trewͤn an aides ſtat. Mit vrchunt diſes brifes der verſigelt iſt mit meins vorgenanten Hanſen anhangunden inſigel zuͤ einem vrchunt der warhait. Der geben iſt datz Cili nach Christes gepuͤrd drew zehen hundert iar dar nach in dem ain vnd viͤrzigiſten iar des neſten mittichen an ſand Niclas abent.
Beschreibung
Perg., 20,5 × 12 cm (Plica 2 cm)
1 Sig. pend. ab (1 Einschnitt für Siegelbefestigung mit kurzem Pergamentstreifen erhalten)
Archivvermerke
verso
Schuldbr. Künigſperg pro Cilj
1341. 5t Xber
Cilj
No: 9 Ladl: 41. [1]
Überlieferung
Ausfertigung
Arhiv Republike Slovenije, Zbirka listin, 1341 XII 5 (SI AS 1063/4068)
ehemalige Signaturen ARS: CE I 68; C/68, ZL 4068
vormals: Haus-, Hof- und Staatsarchiv, Allgemeine Urkundenreihe, 1341 XII 5 (bis 1983)
Abschrift
Steiermärkisches Landesarchiv, Allgemeine Urkundenreihe, 2194b (Matthias Pangerl, 20. September 1867)
Nachweise
Drucke
Domenig, Christian: Die Urkunden der Grafen von Cilli. Bd. 1: 1341–1399 [in Bearbeitung].
Regesten
Krones, Franz: Die Freien von Saneck und ihre Chronik als Grafen von Cilli. Erster Theil: Die Freien von Saneck und der erste Graf von Cilli. Quellenmäßige Geschichtsstudie . Graz 1883, Nr. 109 S. 167.
Thomas, Christiane: Cillier Urkunden (2. Teil). Archivbehelf zu den durch das österreichisch-jugoslawische Archivabkommen betroffenen Beständen der Allgemeinen Urkundenreihe . In: Mitteilungen des Österreichischen Staatsarchivs 37 (1984), S. 362–375, hier Nr. 81 S. 369.
