U-1341-08-15-0001
1341 August 15, Wien
Regest
Pfarrer Konrad von Riegersburg verkauft Graf Friedrich I. von Cilli sein Haus beim alten Pfarrhof von St. Michael in Wien.
Transkription
Ich Chunrat des alten schranneſchreiber svn dem got gnade zvͦ den zeiten pharrer ze Rukcherſpvrch. Vergich vnd tuͦn chunt allen den die diſen prief leſent oder hoͤrent leſen die nv lebent vnd hernach chunftig ſint. Daz ich mit guͤten willen vnd mit verdachten muͦte nach meiner prudere vnd meiner peſten vrêvnde rat zv der zeit da ich ez wol getuͦn mocht vnd auch mit meines grvntherren hant hern Chunrats des Eczekeſtorffer zv den zeiten chirichmaiſter dacz ſand Michel ze Wienne recht vnd redleichen verchauft han mein haus, daz da leit pei dem alten pharrehofe dacz ſand Michel zenahſt des haus von Chlingenberch da von man dient, alle iar ze grvntrecht fvnf Wienner phenninge hintz ſand Michel vnd drev phunt purchrechts die darauffe ligent der man dint ayn phunt purchrechts auf ſand Nychles alter hintz ſand Michel. Vnd zwai phunt purchrechts den vrowen hintz ſand Jacob vnd nicht mêr. Daz ſelbe vorgenant haus han ich verchauft vnd geben mit dem ſelben grvntrecht vnd purchrecht mit allem dem nutze vnd rechte als ich daz ſelbe haus vnverſprochenlichen in purchrechts gewer her pracht han vmb nevn vnd ſechtzich phunt phenninge Wienner mvntze der ich gar vnd gantz verricht vnd gewͣrt pin. Dem edeln vnd dem erbern herren grafe Fridreichen von Cylij vnd allen ſeinen erben fvrbaz ledichlichen vnd vreylichen zehaben vnd allen ſeinen frvͤmen da mit zeſchaffen verchauffen verſetzen vnd geben ſwem er wil als im daz wol choͤm vnd fuͤge an allen irreſal. Vnd pin auch ich vorgenanter Chvnrat der pharrer ze Rukcherſpvrch des ſelben hauſes des egenanten graf Fridreichs von Cylij vnd aller ſeiner erben fürbaz rechter ſcherm vnd geweͣr fuͤr alle anſprache als purchrechts recht iſt vnd der stat recht ze Wienne. Wer aber daz er dehainen chrieg oder anſprache daran gewuͤnne von wem daz wer den ſol ich im mit guͤten willen auzrichten an allen ſeinen ſchaden. Vnd ſol daz haben auf mir vnd auf allem meinem guͤt. Vnd daz diſe rede fuͤrbaz alſo ſtete ſei daruber ſo gibe ich im diſem brief ze ainem offen vrchunde vnd ze ainer ewigen veſtenuge verſigilt mit meinem inſigel] vnd mit des vorgenanten gruntherren inſigel hern Chvnrats des Etzekeſtorffer zv den zeiten chirichmaiſter dacz ſand Michel ze Wienne vnd mit meines pruder inſigel Fridreichs des schranneſchreiber die diſer ſache gezeuge ſint mit ihren inſigeln vnd ander erber leute genuch. Diſer brief iſt geben ze Wienne nach Chriſtes geburt dreutzehen hundert iar darnach in dem ayn vnd virzigiſtem iar an vnſer vrowen tage der schiedunge.
Beschreibung
Perg., 27 × 18 cm (Plica 2 cm)
3 Sigg. pend. an Pergamentstreifen
(1) st. besch., rest. Konrad, Pfarrer von Riegersburg, ungefärbtes Wachs, spitzoval, 30 × 45 mm
(2) ab., Pergamentstreifen erhalten
(3) besch., Friedrich der Schrannenschreiber, ungefärbtes Wachs, rund, 24 mm
Archivvermerke
verso
Kaufbrief graue Herman von Cili segeten vmb ein haus bey sant Michel zu Wienn
Von Cuͦnraden des alten ſchrannenſchreibers suͦn von Rakerſpurg
Cili kaufbr.
15t Auguſt. 1341. Cili
No: 25 Ladl: 42 [1]
Überlieferung
Ausfertigung
Arhiv Republike Slovenije, Zbirka listin, 1341 VIII 15 (SI AS 1063/4579)
ehemalige Signaturen ARS: CE III 11; C/579, ZL 4579
vormals: Haus-, Hof- und Staatsarchiv, Allgemeine Urkundenreihe, 1341 VIII 15 (bis 1986)
Abschrift
Steiermärkisches Landesarchiv, Allgemeine Urkundenreihe, 2192b (Matthias Pangerl, 24. September 1867)
Nachweise
Drucke
Domenig, Christian: Die Urkunden der Grafen von Cilli. Bd. 1: 1341–1399 [in Bearbeitung].
Regesten
Krones, Franz: Die Freien von Saneck und ihre Chronik als Grafen von Cilli. Erster Theil: Die Freien von Saneck und der erste Graf von Cilli. Quellenmäßige Geschichtsstudie . Graz 1883, Nr. 108 S. 167.
Alterthums-Verein zu Wien (Hg.): Quellen zur Geschichte der Stadt Wien. I. Abtheilung: Regesten aus in- und ausländischen Archiven mit Ausnahme des Archivs der Stadt Wien. II. Band . Wien 1896, Nr. 1610 S. 119.
Thomas, Christiane: Cillier Urkunden (2. Teil). Archivbehelf zu den durch das österreichisch-jugoslawische Archivabkommen betroffenen Beständen der Allgemeinen Urkundenreihe . In: Mitteilungen des Österreichischen Staatsarchivs 37 (1984), S. 362–375, hier Nr. 79 S. 368.
Domenig, Christian: "tuon kunt". Die Grafen von Cilli in ihren Urkunden (1341-1456) . Klagenfurt (Diss.) 2004, Nr. 2 S. 134.
