Göth Urkunden und Regesten Krain 5
Göth Georg, Urkunden und Urkunden-Regesten zur Geschichte Krains im Mittelalter. In: Mittheilungen des historischen Vereins für Krain 17 (1862), S. 46.
[5] 1313. Laibach, 8. Mai. Nos Henricus D. G. Bohemiae et Poloniae Rex, Carinthiae Dux, Tyrolis et Goritiae Comes Aquilegensis Tridentinensis, et Brixinensis Ecclesiarum Aduocatus. Ad notitiam uniuersorum praesens scriptum intuentium uolumus peruenire quod nos concessionem seu inuestituram charissimi fratris nostri clarae memoriae quodam Ducis Ottonis de uoluntate et con sensu nostro factam industri ac discreto Viro Henrico Lauano quondam Notario nostro in Carniolia et haeridibus suis legitimis ad rectum et legale feudum de Castro Weinek, sito in terra Marchiae prope monasterium Silicense, Ordinis Cisterciensium, cum uniuersis et singulis iuribus, Jurisdictionibus usibus et honoribus ad ipsum Castrum de Jure pertinentibus, iuxta tenorem priuilegij praedicti fratris nostri desuper dati, innouamus, ratificamus et tenore praesentium confirmamus, Promittentes pro nobis et haeredibus nostris eandem Collationem seu inuestiluram semper ratam et firmam habere, ipsamque nullo tempore reuocare sed eundem Henricum Lauanum et suos haeredes in ea secundum ius et morem feudi consimilis conseruare. In cuius rei testimonium et cautelam praesentes litteras ei dedimque nostri pendentis sigillo robore communitatis. Datum Labaci A. D. Millesimo trecentesimo, tertio decimo, feria tertia octauo die Maij. Tomo. I. pag. 194.
