Göth Urkunden und Regesten Krain 35
Göth Georg, Urkunden und Urkunden-Regesten zur Geschichte Krains im Mittelalter. In: Mittheilungen des historischen Vereins für Krain 17 (1862), S. 51.
[35] 1415. Ratmanstorf, 28. Augusti. Venerabili viro domino Cholomanno rectori parochialis ecclesiae sancti Canciani in oppido Krainburg, Aquilegensis dioecesis, domino et fautori suo singularissimo debita cum reverentia et obsequiis fidelibus promptitudine Wilhelmus Nagenhofer salutem. Quia Capella Sancti Leonhardi hospitalis ejusdem oppidi Crainburg praedictae Aquilegensis Diaecesis ad praesens vacat per liberam resignationem domini Andreae Vltimi capellani ejusdem, cui jus patronatus et praesentandi ad me, institutio et confirmatio vero ad vos pertinet, quare per praesentes honorabilem virum dominum Georgium Marchburger presbyterum praefatae Aquilegensis diaecesis venerabilitati vestrae praesento, cui hanc pure propter Deum contuli, ut patronus humiliter supplicans, quatenus ipsum de dono altaris praedictae capellae et in spiritualibus investirae et confirmare velitis secundum ritum et in talibus fieri consuetum. ln cujus rei testimonium praesentes meas litteras sigillo nobilis et egregii viri Antonii de Pranpergo affinis mei carissimi studiose petii roborari, quia proprii mei sigilli ad praesens careo. Datum in Rattmanstorff, vigesima octava die mensis Augusti. Anno domini millesimo quadringentesimo quinto decimo. — Tom. IV. p. 776.
