Göth Urkunden und Regesten Krain 32
Göth Georg, Urkunden und Urkunden-Regesten zur Geschichte Krains im Mittelalter. In: Mittheilungen des historischen Vereins für Krain 17 (1862), S. 50-51.
[32] 1403. Tergesti, ultimo Decembris. In Christi nomine Amen. Anno Circumcisionis eiusdem Millesimo Quatricentesimo tertio Indictione undecima die ultimo Decembris Tergesti, sub loga Communitatis Tergesti, praesentibus, nobilibus et egregiis viris ser: Argentino de Argento, ser: Nicolao de Baiardis, et ser: Francisco de Goppo ciuibus Tergesti Testibus ad hoc uocatis, rogatis, et specialiter habitis, et multis alijs etc. Coram spectabilibus, generosis et egregiis viris Domino Joanne Velseger honorabili capitaneo Ciuitatis Districtusque Tergesti pro Illustrissimo Serenissimo ac Potentissimo Principe, et Excellentissimo Domino Domino Friderico, Dei gratia inclyto Duce Austriae, nostro gratiosissimo domino, ac domino Messalto de Messaltis, Domino Girolo de Viana, et domino Andrea de Basilio honorabilibus Judicibus praefatae Ciuitatis ac districtus Tergesti comparuit Michael Stopar de Bristica districtuus Postoyne et vigore cuiusdam literae Illustrissimi, serenissimi, ac potentissimi principis et gratiosissimi Domini Domini Friderici Junioris, Dei gratia inclyti Ducis Austriae et nostri benignissimi Domini, missae ad spectabilem virum Domino Boncine belli ciuem Tergesti honorabilem Capitaneum Postoine praesentatae coram dictis Dominis Capitaneo et judicibus Tergesti per Dominum Nicolaum Vadiner, scriptorem dicti domini Boncine, et secundum dictae literae tenorem, ac promissionem in ipsa litera continentem dictus Michael non ui, nec timore, nec dolo, nec aliqua fraude semotus, sed sponte, libere, et ex certa scientia et uoluntate per se, et per suos haeredes tradidit et assignauit, omnia sua Jura et actiones directas et indirectas, quae et quos habet seu quomodo libet habere posset, uel se habere posse praetenderet, in quodam molendino sita prope fluvium Bistriae districtus Possoino serenissimis, Illustrissimis et Potentissimis Principibus et Excellentissimis Dominis, Domino Friderico Veteri, et Domino Friderico Juniori, inclitis Ducibus Austriae et nostris gratiosissimis Dominis, absentibus, tamquam Praesentibus, pro se et eorum haeredibus ac successoribus, ad habendum tenendum et possidendum, et quidquid eis, et alicui eorum deinceps placuerit perpetuo faciendum, cum omnibus et singulis, quae infra suos continentur confines, uel alios, si qui forent, ueriores, cum accessibus, et egressibus suis, usque in viam publicam, et cum omnibus ct singulis pertinentiis dicti molendini et aliis, quae habent super se, uel infra se, seu intra se, in integrum omnique jure actione, usu, et requisitione ipsis Dominis, uel alicui praedictorum ex ea re, uel pro ea re, ut ipsi mei modo aliquo pertinente semota, cancellata et annichilata, quacunque alia re uocatione, scriptura uel instrumento facta et im posterum fienda per Dominum Michaelem, et per suos haeredes, sed potius prodicta traditione et assignatione suorum furium et actionum dicti Molendini, cum suis pertinentiis dictus Michael a praelibato Domino Friderico Juniore plenam satisfactionem percepit, et de solutione est plenissime contentus, ut coram praefatis Dominis Capitaneo et Judicibus Tergesti confessus est et fuit promittensque Dictus Michael per se et suos haeredes praelibatis Dominis pro se et eorum haeredibus, omnia et singula supra dicta, rata, grata et firma habere et tenere, et non contra facere uel contra uenire per se uel per alium aliquo jure, uel causa, uel ingenio, tam de iure quam de facto sub obligatione omnium et singulorum bonorum praesentium et futurorum, in quorum omnium praemissorum firmissimam ualetudinem et firmitatem et fidem Praelibati Domini Capitaneus et Judices Tergesti jusserunt in dicto instrumento sigillum Communitatis esse suspensum, non praeiudicandi honori dictae Communitatis, et quod non sit damnum et detrimentum dictae Communitati Tergesti suspensio dicti sigilli. — Ego Joannes de Nursia artium Doctor Publicus Imperiali dignitate Notarius ac Cancellarius Communitatis Tergesti, praedictis omnibus et singulis praesens fui et rogatus scribere, scripsi, et dictum instrumentum authenticaui, in quorum omnium fidem et robur signum meum apposui consuetum. — Tom. IV. p. 52.
