Göth Urkunden und Regesten Krain 112
Göth, Georg: Regesten aus den Schatzgewölbebüchern des k. k. Statthalterei-Archives in Graz. In: Mittheilungen des historischen Vereins für Krain 20 (1865), S. 9–13, hier S. 10.
[112] 1461. Los, 22. Maji. Nos Antonius de Goppo, Dei et Apostolicae Sedis gratia Episcopus et comes Tergestinus, et Imperialis Maiestatis Consiliarius, Recognoscimus pro nobis et haeredibus nostris, ac publice prouidemur (sic) per praesentes, Quemadmodum serenissimus, principum (sic) et Dominus Dominus Fridericus Romanorum Imperator semper Augustus, Hungariae, Dalmatiae, Croatiae etc. Rex, Austriae, Styriae, Karinthiae et Carnioliae et Dux, dominus noster gratiosissimus nobis Serenitatis Suae Castrum in Los pro summa 630 Denariorum inscripsit, ac redditus et fructus prouentus officij et Judicij fori, ibidem singulis annis, usque ad suae Maiestatis bene placidum, pro Centum et sexaginta nouem libris Denariorum arrendauit, iuxta Literarum suae Majestatis desuper emanatarum continentiam et tenorem , cuius tenor sequitur de uerbo ad uerbum, et est talis uidelicet:
Fridericus diuina fauente clementia Romanorum Imperator semper Augustus, Hungariae, Dalmatiae, Croatiae etc. Rex, Austriae, Styriae, Karinthiae et Carniolae Dux, Comesque Tyrolis etc. Recognoscimus pro nobis, et haeredibus nostris per praesentes, Quemadmodum fideli nostro Hermano Rauber Castellano nostro in Los Idem Castrum nostrum ac officium ibidem pro summa sexingentarum librarum Denariorum usualis nigrae monetae inscripsimus, et Judicium fori ibidem pro certa Quotta arrendauimus iuxta litterarum nostrarum super hoc continentiam emanatarum, quod nos prouidentiam, industriam et prompta obsequia nostri dilecti, quibus praeditus é (sic, recte praedecessoribus) et nobis nobis complacere studuit attendere: eidem Episcopo indulsimus et concessimus, ut castrum ipsum Los, ac officium ibidem a praefato Rauber pro Summa sexcentorum 30 Denariorum praescripta redimere ualeat et possit, sibique ac successoribus et haeredibus suis, castrum memoratum, cum consueto solario Castellani pro tempore pro eadem summa 630 Denariorum inscripsimus, redditus uero, fructus et praeuentum praedictorum officij et judicij fori, quae per eum gubernari uolumus cum suis pertinentijs usque ad nostram in eo reuocationem, pro centum et sexaginta nouem libris Denariorum arrendauimus, inscripsimus ac arrendamus per praesentes. Ita ut ipsi nobis compraetactis castro, officio et iudicio amodo fideles, et obedientes existant, castrum ipsum apertum teneant in Los, et nostros, quos ad id deputauerimus, in et extra, totiens quotiens oportunum, et necessarium nobus fuerit, ac inibi stare etmorari nostris tamenexpensis permittant, nobisque supra dictas centum sexaginta nouem libras Denariorum singulis annis, realiter et cum effectu tradant et assignent, neque colonos nostros seu quoscunque alios iniuste grauent, molestent, aut perturbent, seu ab inferendis huiusmodi quantum ualeant usque ad nos protegant et defendant, iurisdictiones etiam ac singula Jura de praefato Castrum, officium et Judicium spectantia alienare, aut distrahere non patiantur, neque per se distrahant, cum uero Castrum iam dictum anominato Episcopo, successoribus et haeredibus suis pro supra narrata 630 Denariorum Summa redimere et liberare deliberauimus, et eis summam ipsam persoluerimus, quod ex tunc castrum, officium et iudicium praetacta: ad nostram requisitionem personalem seu literatoriam omni exspectatione et dilatione semotis, nobis reassignent, tradant et de eisdem cedant, atque, ut id fiat, per suos familiares, quos ibi posuerint, disponant, dolo et fraude, in praemissis cessantibus, quibuscunque harum testimonio literarum nostri appensione sigilli munitarum, Datum in Crec die prima mensis Aprilis anno Domini Millesimo, Quadringentesimo sexagesimo primo, indictione nona, Imperij nostri decimo, regnorum nostrorum Romani vigesimo primo, Hungariae uno etc. uero tertio.
Quod nos suae celsitudini bona fide et medio, iuramento polliciti sumus et promisimus, promittimusque per praesentes et omnia et singula in praeinsertis suae Maiestatis litteris contenta, quae nobis facienda imponuntur, fideliter faciemus, ac etiam exequemur, dolo et fraude cessantibus quibuscunque. In cuius rei testimo nium has literas nostro, quo vtimur, ac spectabilis et generosi viri domini Caspari Lamberger sigillis, qui illud ad nostram instantiam, pro maiori robore impressit, sigillatas, sine tamen suo ac haeriditorum suorum praeiudicio et damno, Suae Serenitati tradidimus et assignauimus: sub quibus nos ac etiam haeredes nostros praedictos obligamus, omnia et singula acturos et facturos, quae nobis ex supra scriptis incumbunt, quomodolibet facienda.
Datum in dicto Castro de Los die vigesima secunda mensis Maij, Millesimo quadringentesimo sexagesimo primo Indictione nona, Pontificatus Smi in Christo patris et Domini nostri, Domini pij, diuina prouidentia Papae secundi, anno tertio. ― Tom. III. p. 487.
