Göth Urkunden und Regesten Krain 111
Göth, Georg: Regesten aus den Schatzgewölbebüchern des k. k. Statthalterei-Archives in Graz. In: Mittheilungen des historischen Vereins für Krain 20 (1865), S. 9–13, hier S. 9-10.
[111] 1332. 20. Januar. Innsbruch. Nos Henricus D. G. Bohemiae et Poloniae Rex, Carinthiae Dux, Tirolis et Goritiae Comes, Aquilegensis Tridentinensis ac Brixiensis Ecclesiarum Aduocatus, ad uniuersorum notitiam deduci uolumus per praesentes quod Alhaidis de Jouchan per quandam patentem litteram suam, Sigillo Plebani eiusdem loci consignatam curiam suam sitam in Lok, quam a nobis iure feodali tenuit et possedit libere et uoluntarie ad manus nostras resignavit, petens instanter ut eandem curiam Herrmano de Maingosspurch, qui quaedam alia bona magis sibi utilia pro eadem curia secum permutauit, conferre dignaremur, nos uero eius petitinnibus fauorabiliter inclinati, curiam iam dictam in Lok praefacto Herrmanno et ipsius haeredibus uniuersis, sexus utriusque cum omnibus suis attinentijs contulimus, et autoritate praesentium conferimus in rectum feodum et legale tenendam, habendam et perpetuo pacifice possidendam promittentes pro nobis et haeredibus nostris dictum Herrmannum et haeredes suos in antedicta curia manutenere, defendere et warentare, pro ut mos et consuetudo similis feodi postulat et requirit. In cuius rei testimonium eis praesentes damus litteras nostri sigilli pendentis munimine roboratas. Datum in Innspruka A. D. Millesimo trecentesimo tricesimo secundo, in vigilia Beatae Agnetis, Indict. decima quinta. Tom. I. pag. 48.
