Göth Urkunden und Regesten Krain 110
Göth, Georg: Regesten aus den Schatzgewölbebüchern des k. k. Statthalterei-Archives in Graz. In: Mittheilungen des historischen Vereins für Krain 20 (1865), S. 9–13, hier S. 9.
[110] 1314. Graz, 30. Aug. Nos Fridericus D. G. Dux Austriae et Styriae, Dominus Carnioliae, Marchiae et Portus Naonis, uniuersis praesentium inspectoribus uolumus esse notum, quod cum clarae memoriae quondam Dominus Otto Dux Carinthiae comes Tyrolis et Goritiae, Aquilegensis, Tridentinensis et Brixinensis Ecclesiarum Aduocatus, auunculus noster charissimus Ludouici et Henrici fratrum suorum accedente consensu industri ac discreto uiro Henrico Lauano, quondam suo Notario in Carniolia suisque haeredibus legitimis, eorum exigentibus meritis et obsequijs, Castrum Weinek in terra Marchiae situatum prope Monasterium Siticem, Ordinis Cisterciensium, cum uniuersis et singulis iuribus, Jurisdictionibus usibus et honoribus ad ipsum Castrum de iure pertinentibus ad rectum et legale feudum contulerit, eosque inuestiuerit de et pertinentijs supra dictis. Innouatione, ratificatione et approbatione concessionis et inuestiturae, huiusmodi a Magnifico Principe Domino Henrico Rege Bohemiae, Duce Carinthiae, auunculo nostro charissimo, postmodum subseculis prout in Instrumentis eorundem super hoc datis plenius continetur. Nos concessionem, inuestituram seu approbationes huiusmodi, per auunculos nostros iam Dictos, memoratis Henrico Lauano et suis haeredibus factas, ratas, habentes et gratas ipsas annouamus approbamus et tenore praesentium confirmamus, iuxta priorum continentiam litterarum, in cuius rei testimonium, sigillum nostrum praesentibus est appensum. Datum in Graz, A. D. Millesimo trecentesimo quarto decimo, tertia Kalendas Septembris. Tom. I. pag. 196.
