Göth Regesten Steiermark 317
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 7 (1857), S. 242–268, hier S. 265-266.
317. 1414. 22. Januarii. Eberhardus Dei gratia Sanctae Salisburgensis Ecclesiae Archiepiscopus, Apostolicae Sedis Legatus, Dilecto nobis in Christo Rectori Parochialis Ecclesiae Montis Sti. Viti (Veitsberg) prope Loiben, uel eius locum tenenti nostrae Dioecesis Salutem in domino. Quia ad parochialem Ecclesiam S. Dionisii eiusdem nostrae Dioecesis, uacantem ad praesens, per liberam resignationem dilecti in Christo Joannis Prudentis immediati ipsius Ecclesiae Rectoris permutationis intuitu duntaxat in manibus nostris factam, et per nos admissam accedente consensu et uoluntate Dilectarum in Christo Abbatissae, totiusque Conuentus Monasterii Sancti monialium in Gössa dictae nostrae Dioecesis, ad quas ius Patronatus dictae parochialis Ecclesiae Sancti Dionisii pertinere dignoscitur, dilectum in Christo Augustinum, tunc Rectorem parochialis Ecclesiae in Judenburg praedictae nostrae Dioecesis, S. Joannis compermutatorem instituimus, ipsumque per librum, ut moris est, inuestiuimus, et de eandem praesentibus inuestimus, curam animarum et administrationem spiritualium eidem committendo, dilectioni tuae committimus et mandamus, quatenus eundem Augustinum seu suum in hac parte procuratorem eius nomine in dictae parochialis Ecclesiae S. Dionisii, ac omnium iurium et pertinentiarium ipsius corporalem possessionem per se uel alium inducas et inductum defendas faciens sibi de praefatae Ecclesiae S. Dionisii fructibus, redditibus, prouentibus, iuribus, et obuentionibus uniuersis, ab omnibus, quorum interest, integre responderi, contradictores et rebelles quoscunque authoritate nostra per censuram Ecclesiasticam firmiter compescendo. Mensis Januarii die uigesima secunda, Anno Domini Millesimo Quadringentesimo quarto decimo. Tom. IV. p. 686.
