Göth Regesten Steiermark 316
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 7 (1857), S. 242–268, hier S. 265.
316. 1414. 19. Januarii. Göss. Reuerendissimo in Christo Patri, ac domino domino Eberhardo, Sanctae Salzburgensis Ecclesiae Archiepiscopo, Apostolicae Sedis Legato, Alysa Dei gratia Abbatissa Monasterij Sanctae Mariae in Gössa, ordinis S. Benedicti, vestrae Dioecesis, obedientiam et reuerentiam debitas et condignas. Cum dilectus in Christo Joannes Prudentis, Rector parochialis Ecclesiae S. Dionisii prope Prukam eiusdem Vestrae Dioecesis, cuius Jus Patronatus seu praesentandi ad nos dignoscitur pertinere, eandem suam Ecclesiam cum Augustino, perpetuo Vicario Ecclesiae S. Nicolai in Judenburg uestrae Dioecesis antedictae ex certis et rationabilibus causis ipsum ad hoc mouentibus, et praesertim, ut in loco alterius beneficii se commodius exercere et Deo libere famulari ualeat, pro ipsa perpetua Vicaria Ecclesiae S. Nicolai in Judenburg, ut asserit, permutare intendit, nobisque cum instantia debita supplicauit, ut eidem permutationi fiendae nostrum praeberemus assensum. Suis igitur uotis innuentes, ut dicta permutatio fiat, et suum sortiatur effectum, nostrum tenore praesentium saluis nostris iuribus adhibemus consensum pariter et uolontatem. Datum in Göss 19. mensis Januarij, Anno Domini 1414. Tom. IV. p. 684.
