Göth Regesten Steiermark 315
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 7 (1857), S. 242–268, hier S. 264-265.
315. 1413. Frisaci, 2. Octobris. Eberhardus Dei gratia, Sanctae Salisburgensis Ecclesiae Archiepiscopus, Apostolicae Sedis Legatus, Dilecto nobis in Christo Rectori parochialis Ecclesiae Beatae Mariae Virginis in Leoben aut eius locum tenenti, nostrae Dioecesis, Salutem in Domino. Quia ad parochialem Ecclesiam Sancti Dionisii prope Muhr, eiusdem nostrae Dioecesis, uacantem ad praesens per liberam resignationem Dilecti in Christo Dauid Höninger, immediati ipsius Ecclesiae Rectoris permutationis intuitu duntaxat, in manibus nostris factam et per nos admissam, dilectum nobis in Christo Augustinum, tunc Rectorem Ecclesiae parochialis in Judenburga dictae nostrae Dioecesis, suum compermutatorem antecedente consensu, et uoluntate dilectae in Christo Alysae Abbatissae Monasterij in Göss, ad quam ius patronatus eiusdem Ecclesiae sancti Dionisii dignoscitur pertinere, instituimus, et dilectum in Christo Georgium Heuteuer procuratorem dicti Augustini in personam ipsius per librum, ut moris est, inuestivimus et de eadem praesentibus inuestimus curam animarum et administrationem spiritualium et temporalium eidem committendo, dilectioni tuae committimus et mandamus, quatenus eundem Augustinum seu suum in hac parte procuratorem eius nomine in dictae parochialis Ecclesiae Sancti Dionisii, ac omnium iurium et pertinentiarum ipsius corporalem possessionem per te uel alium inducas, et inductum defendas, faciens sibi de ipsius Ecclesiae Sancti Dionisii fructibus, redditibus, prouentibus, iuribus, et obuentibus uniuersis, ab omnibus, quorum interest, integre responderi contradictores et rebelles quoscunque, authoritate nostra per censuram Ecclesiasticam firmiter compescendo. Datum Frisaci mensis Octobris die secunda. Anno Domini Millesimo quadringentesimo tertio decimo. Tom. IV. p. 682.
