Göth Regesten Steiermark 262
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 7 (1857), S. 242–268, hier S. 247-248.
262. 1391. 2. Septembris. Seiz. Frater Joannes, Prior Carthusiae indignus, Notum facimus per praesentes, quod considerantes fauorabilem protectionem et defensionem, nec non plurima beneficia, quae nobiles et potentes domini, Dominus uidelicet Hermanus et Dominus Wilhelmus Comites Cilliae, ac generales Capitanei Carnioliae, Monasteriis Vallis S. Joannis in Seiz, Vallis S. Mauritii in Gyrio, et uallis iocosae in Freiniz nostri Carthus: ordinis ipsorum gratuita benignitate, et pia deuotione hactenus contulerunt et quotidie conferre non desinunt. Ideo ne tantis, quod absit, gratiosis beneficiis inueniamur ingrati, eisdem dominis Comitibus eorumque patribus et consortibus, ac filiis et filiabus ipsorum condedimus authoritate Capituli generalis, unum duntaxat anniuersarium perpetuis temporibus duraturum, in singulis Monasteriis supradictis scilicet S. Joannis, S. Mauritii, et uallis iocosae ordinis antedicti, cum plena agenda in Ecclesia et missa cum notis praesente conuentu ordinantes, quod dictum anniuersarium scribatur in Calendariis supradictorum Monasteriorum die, quo aliquem praefatorum dominorum Comitum primo in Domino obire contigerit, cum aliorum supradictorum associatone. Datum in supradicta domo S. Joannis in Seiz, Anno Domini Millesimo Trecentesimo nonagesimo primo, die secunda Mensis Septembris, sub magno Sigillo praefati Capituli generalis. Tom. IV. p. 689.
