Göth Regesten Steiermark 18
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 5 (1854), S. 213–240, hier S. 220f.
18. 1304. 28. Apr. Judenburgae. Nos Rudolphus D. G. Dux Austriae et Styriae, Dominus Carnioliae, Marchiae, ac portus Naonis ad uniuersorum uolumus notitiam peruenire, qui praesentibus fuerint requisitj. Quod cum discretus uir Albertus de Zirico, quondam Landscriba noster Styrae, septem hubas in Zwietnich, cum suis iuribus et attinentijs uniuersis habitis et habendis quaesitis et quaerendis, quocunque nomine censeantur, quas olim Dyetmarus Cherspacher et Elisabetha Vxor sua cum suis haeridibus possederant et tenebant Rudolpho Judici Marpurgensi, Elisabetha Vxori suae ac liberis suis utriusque sexus, pro triginta duabes marcis argenti uendiderit, et a nobis petierit humiliter et deuote ut ipsa bona feudalia eisdem emptoribus concedere dignaremur titulo feudali, Nos ipsorum precibus annuentes, resignatione feudi praenotati, ab eodem Alberto et suis haeredibus recepta ad instantiam et petitionem ipsius Alberti suorumque haeredum et aliorum quorum interest, de memoratis septem hubis feudalibus, pro ut superius exprimitur, Rudolphum Judicem praenotatum, Elisabetham Vxorem suam suos filio et haeredes utriusque sexus infeudalibus et infeudamus iuxta terrae et feudorum huiusmodi consuetudinem approbatam, Dantes sibi praesentes litteras nostri sigilli robore communitas, in euidens testimonium super eo. Datum et actum in Judenburga, praesentibus his testibus ad hoc uocatis, Magistro Berthold Prothonotario nostro, Hugone de Tuffen (Taufers?), Hermano Marischallo de Landenberg, Eberhardo, Henrico, Vdalrico et Friderico de Walse, fratribus; Rapotone et Gundachero, Landscribis nostris Styriae, et alijs fide dignis. A. D. Millesimo tricentesimo quarto, quarto Cal. Maij. T. I. 124.
