Göth Regesten Steiermark 240 (1)
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 6 (1855), S. 248–272, hier S. 270f.
240. 1384. 20. Maji. Philippus de Alenconio Miseratione Diuina Episcopus Sabinensis, sanctae Romanae Ecclesiae Cardinalis et Patriarcha Aquilegensis. Dilecto in Christo filio Joanni, Nato quondam Friderici Mötnizer, Presbytero nostrae Aquilegensis Dioecesis Salutem in Domino. Laudabilia tuae probitatis et uirtutum merita, quibus apud nos fide digno testimonio commendaris, rationabiliter nos inducunt, ut personam tuam fauore prosequentes beneuole, tibi, reddamur in exhibitione gratiae Liberales. Cum itaque parochialis Ecclesia seu plebes sancti Georgii in Feustriz nostrae Aquilegensis Dioecesis uacet, seu uacare noscatur ad praesens per obitum Presbyteri Vdalrici dicti Gardnecher ultimi eiusdemdit plebis plebani, nos praemissorum meritorum tuorum intuitu, nec non ad precum instantiamet praesentationem spectabilis Friderici Comitis in Ortenburg, filii nostri in Christo, amicique charissimi asserentis, se ius Patronatus in dicta parochiali ecclesia obtinere, uolentes tibi gratiam facere specialem te in dicta parochiali ecclesia seu plebe, in quantum ius Patronatus huiusmodi ad dictum Comitem spectet, authoritate nostra ordinaria instituimus, et tenore praesentium confirmamus, ac te de illa cum omnibus iuribus et pertinentiis suis, per nostrum annulum inuestimus, curam animarum et administrationem bonorum omnium spiritualium et temporalium ad eandem parochialem ecclesiam, seu plebem quouis modo spectantium tibi plenarie committentes, saluo semper iure nostro, nostrae Aquilegensis Ecclesiae et alterius cuiuscunque. Et ut institutio et gratia nostra huiusmodi suum debitum consequatur effectum, dilectis in Christo filiis in Camerich et in Kellerberg nostrae Aquilegensis Dioecesis Ecclesiarum plebanis, et utrique ipsorum in solidum harum tenore committimus et mandamus, quatenus ipsi ambo uel alter ipsorum te uel procuratorem tuum nomine tuo in tenutam et corporalem possessionem supradictae parochialis Ecclesiae seu plebis iuriumque et pertinentiarum ipsius auctoritate nostra supra dicta ponant et inducant, et defendant inductum, faciantque tibi uel dicto procuratori tuo pro te de fructibus, redditibus, prouentibus, iuribus et obuentionibus uniuersis nominatae Ecclesiae, seu plebis, ammoto exinde illicito detentore plene et efficaciter responderi, contradictores et rebelles quoslibet eadem nostra authoritate per censuram ecclesiasticam compescendo. Harum sub nostri appensione sigilli testimonio litterarum. Datum in nostro patriarchali Palatio nostrae ciuitatis Austriae. Die Vigesimo Maji, Anno Domini Millesimo Trecentessimo octuagesimo quarto, Indictione Septima. Tom. IV. p. 650.
