]> 2026-04-30T11:37:05+02:00 Göth Regesten Steiermark 76 0 de-at Sanctae Sedis Aquilegiensis Dei gratia Nos Patriarcha Bertrandus. Notum fore uolumus Vniuersis, quod ad nostram accedens praesentiam, Vir Magnificus Otto, Comes de Ortenburg, Vasallus noster et Aquilegiensis Ecclesiae, nobis humiliter supplicauit, ut cum ipse, ac sui nepotes, filii quondam Meinhardi et Alberti comitum de Ortenburg fratrum suorum Castra de Orteneg, Polan, Grauenwarth, cum iuribus, Jurisdictionibus suis antiquitus habuerunt, et tenuerunt in feudum a nostra Aquilegiensi Ecclesia, nec non et quaedam alia feuda eisdem concessa dudum, per nostros praedecessores et Aquilegiensem Ecclesiam supradictam, de eisdem ipsum tanquam maiorem et seniorem domus suae de Ortenburg, pro se et dictis nepotibus suis inuestire, benignius dignaremur. Nos uero ipsius supplicationibus inclinati, credentes et sperantes, quod ijdem comites fideles erunt nobis, et Ecclesiae supradictae, per nos et successores nostros, et nomine Aquilegiensis Ecclesiae, dictum comitem Ottonem pro se ac praefatis comitibus nepotibus suis ac eorum haeredibus recipientem, de praemissis Castris eorumque iuribus, Jurisdictionibus et pertinentijs, ac omnibus alijs suis feudis, antiquis, iustis, et legalibus, inuestiuimus in feudum eo iure. quo sui progenitores illa habuerunt et tenuerunt antiquitus a nostra Ecclesia supradicta, Saluo iure nostro, Aquilegiensis Ecclesiae, et omnium personarum. Dictus uero comes Otto, suo, et nomine, quo supra, statim nobis et Aquilegiensi Ecclesiae, praestitit fidelitatis debitum Juramentum, quod Vasallus domino suo praestare in talibus consueuit. In cuius rei testimonium etc. 76 Urkunden-Regesten für die Geschichte von Steiermark vom Jahre 1252 bis zum Jahre 1580 Mittheilungen des historischen Vereines für Steiermark 1854 2398219.5 2025-05-27T11:38:58Z 2460822.9853935 Göth Regesten Steiermark 76 1336-07-02Z 2209206.5