]> 2026-04-21T06:40:19+02:00 Göth Regesten Steiermark 219 0 de-at Reuerendissimo in Christo Patri, et Domino Domino Philippo de Alenconio, Episcopo Sabinensi, Sanctae Romanae Ecclesiae Cardinali, sanctaeque sedis Aquilegensis Patriarchae dignissimo, Domino suo gratiosissimo, aut ipsius in spiritualibus Vicario generali, Fridericus Comes in Ortenburg filialem subiectionem cum promptitudine omnis boni. Vestrae Reuerendissimae Paternitatis gratiam ignorare nolentes, superiorem parochialem plebem Sancti Primiani vestrae dioecesis, ad praesens uacantem per mortem Domini Henrici immediate ibidem plebani, Cuius ius patronatus ad nos, et ius in spiritualibus, seu institutio animarum curae, ad Vos dignoscitur pertinere. Quare Vestrae Reuerendissimae Paternitati praesentamus fidelem nostrum Capellanum, Dominum Vrbanum de Potgoriach exhibitorem praesentium, cui hanc pure propter Deum et probitatis suae merita contulimus, Supplicantes attente, ut ipsum de Dominico Altari et in spiritualibus dictae Ecclesiae iuxta morem per librum dignemini et uelitis inuestire et super eandem confirmare. In cuius rei testimonium sigillum nostrum praesentibus est appensum. Datum in Castro nostro Ortenburg, 23. Augusti, Anno Domini 1382. 219 Urkunden-Regesten für die Geschichte von Steiermark vom Jahre 1252 bis zum Jahre 1580 Mittheilungen des historischen Vereines für Steiermark 1855 2398584.5 2025-06-23T13:08:55Z 2460850.0478588 Göth Regesten Steiermark 219 1382-08-31Z 2226067.5