]> 2026-04-26T07:48:54+02:00 Göth Regesten Steiermark 21 0 de-at Nos Otto D. G. Dux Carinthiae, Comes Tyrolis et Goritiae, Aquilegensis, Tridentinensis et Brixiensis Ecclesiarum Aduocatus, tenore praesentium recognoscimus profitentes, quod inspectis fidelibus et gratis seruicijs nobis per fidelem uirum dilectum Petrum de Liebenberch exhibitis, et imposterum ut speramus, tam fideliter, quam efficaciter exhibendis, eundem Petrum et omnes haeredes suos utriusque sexus, inuestiuimus et autoritate praesentium inuestimus ad rectum et legale feodum de duobus nostris mansis, dictis Tauer, sitis in Villa dicta Pulpo quos colit Otto, et de uno manso nostro iacente ibidem, quem colit. Dietmarus, cum omnibus iuribus et pertinentijs suis consitis et inconsitis, seu etiam inquirendis, tenendis, usitandis, colendis et perpetuo pacifice possidendis. Promittentes pro nobis et haeredibus nostris praefatos Petrum et haeredes suos in mansis ante dictis manutenere, defendere et warentare, prout mos et ius consimilis feodi postulat et requirit. In cuius rei testimonium et robur praesentes litteras eis dedimus nostri pendentis, sigilli munimine roburatas. Actum et datum Tyrolis in praesentia fidelium nostrorum Henrici de Rottenberch, Magistri Curiae; Conradi de Auuenstain; Henerici Marschali de Laubers; Alberti de Vellenberch, militum, Conradi de Gredneker; Ortolfi de Santo Vito et aliorum testium rogatorum. A. D. Milesime trecentesimo septimo, die decimo Decembri. Indict. quinta. 21 Urkunden-Regesten für die Geschichte von Steiermark vom Jahre 1252 bis zum Jahre 1580 Mittheilungen des historischen Vereines für Steiermark 1854 2398219.5 2025-05-16T06:12:06Z 2460811.7584028 Göth Regesten Steiermark 21 1307-12-18Z 2198782.5