Göth Regesten Steiermark 311
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 7 (1857), S. 242–268, hier S. 262.
311. 1413. Göss, 21. Septbris. Reuerendissimo in Christo Patri, ac Domino Domino Eberhardo, Sanctae Salisburgensis Ecclesiae Archiepiscopo, Domino meo gratioso, Alysa, Dei gratia Abbatissa Monasterii Beatae Mariae Virginis S. Monialium in Göss, Vestrae Dioecesis, obedientiam cum debita reuerentia humiliter et deuote. Cum parochialis Ecclesia S. Dionisii eiusdem Vestrae Dioecesis, cuius ius praesentandi ad me et dictum meum Monasterium spectare dignoscitur, per obitum olim Domini Joannis, eiusdem Ecclesiae immediati Rectoris ad praesens uacat, iure, quo fungor, honorabilem uirum Dominum Dauid Höminger, Clericum Wormiensis Dioecesis, uitae ac morum honestate multipliciter commendatum, Reuerendissimae paternitati Vestrae tenore preaesentium duxi praesentandum, deuote deprecando, quatenus eundem Dauid ad ipsam S. Dionisii Ecclesiam canonice instituere, et ut moris est, inuestire dignemini et confirmare, curam et administrationem eiusdem Ecclesiae tam in spiritualibus quam in temporalibus sibi plenarie committentes, facientesque eidem de fructibus et redditibus ipsius Ecclesiae, ab omnibus, quorum interest, integre responderi, harum testimonio litterarum mei appensione sigilli munitarum. Scriptum in Göss die 21. mensis Septembris Anno 1413. Tom. IV. p. 680.
