Göth Regesten Steiermark 3
Göth, Georg: Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 5 (1854), S. 213–240, hier S. 214f.
3. 1264. 25. Januar. Pragae, Nos Ottocarus D. G. Rex Bohemiae. Dux Austriae et Styriae, Marchioque Morauiensis. Praesentium annotatione notum fore uolumus uniuersis. Quod Venerabilis in Christo pater, Dominus Gregorius, Sanctae sedis Aquilegensis Patriarcha, collato nobis liberaliter et gratanter, cum omnibus suis pertinentijs et Juribus Pincernatus officio in Ecclesia Aquilegensi, nobisque uolens idem officium, cum sui Juris integritate seruare, misit ad nos dilectum fidelem nostrum Henricum de Scharphenberg absolutum a debito Vasalliae, quo tenebatur eidem ratione cuiusdam decimae spectantis ad ipsum Pincernatus Officium, quae ex morte Alberti dicti de Troghe, uacabat, ante collationem huiusmodi nobis factam. Nos itaque consideratis et inspectis praefati fidelis nostri Henrici de Scharphenberg seruitijs multiplicibus, suaeque fidelidatis constantia, eidem iure siue titulo feudi, dictam decimam quam Albertus de Troghe pofsedifse dignoscitur, concedimus et conferimus liberaliter ac libenter. In cuius rei testimonium et firmitatem perpetuam praesens scriptum sigilli nostri iufsimus munimine roborari, Actum et datum Pragae, octauo Calend. Februarij, A. D. Millesimo Ducentesimo sexagesimo quarto, praesentibus his testibus, Smilone de Liechtenburg, Andrea magno. Henrico Marischalo, Senetone fratre Smilonis, Gallo et alijs quam pluribus. T. I. 191.
