U-1447-01-10-0001

1447 Jänner 10, Wien

Regest

König Friedrich III., Herzog von Österreich und Steier, lädt den Probst von Seckau mit anderen steirischen Landleuten für Beratungen wegen der Auseinandersetzungen im Fürstentum Steier und anndere vnsere ynnere lannd für den 27. Februar nach Graz.

Transkription

Fridreich von gotes gnaden Römischer künig zuallenczeitn
merer des reichs herczog zu Österreich vnd zu Steir etc.

Ersamer vnd lieber andëchtiger. Als ettwauil wërer angriff vnd beschedigung mit raub prannt vëncknüs vnd töttung der leut in vnser furstentumb Steier vnczher beschehen sind vnd hinfür noch mer darin vnd auch in anndere vnsere ynnere lannd beschëchen ob das nicht vnderkomen wurd das wir aber mit der hilf gots deiner vnd annderr vnser prelaten grauen herren ritter knecht der vonn steten vnd aus mërkchten vnd annderr vnser vndertanen vnd getrewen rat vnd beystand zeundersteen vnd zeweren maynen, begern vnd pitten wir dich mit ganczen fleizz vnd ernst daz du dich auf den nachsten montag in der ersten vastwochen schiristchünfftigen zu vns gen Grëtz fügest vnd vns mitsambt den obberurten vnsern prelaten lanndtleutten bürgern vnd anndern den vnsern die wir auf denselben montag daselbshin gen Grëtz auch zu vns zukömen eruordert haben ratest wie das zuvnderkomen vnd die sachen nach dem pesten nützisten vnd füglichsten für zenemen sey damit wir dieselbs lannd vnd leut grossew schadens vertragen werden vnd dich dauon nichts sawmen noch irren lassest davon tüst du vns güt geuallen vnd vnser ernstliche maynung vnd wir wellen das auch gen dir gnëdiglich erkennen. Geben zu Wienn an eritag nach sund Erharts tag anno etc. xlvij vnsers reichs im sibenden jare.

i q a regis
m.

Rückseite

Dem ersamen vnserm lieben andëchtigen
dem brobst zu Sekgaw

1447
1447, 10. Jänner
Wien

6053a | 1447 Seckau

Beschreibung

Ausf. Pap.

1 Sig. imp. ab

Archiv

Ausfertigung

Steiermärkisches Landesarchiv, Allgemeine Urkundenreihe, 6053a