U-1341-04-16-0001

1341 April 16, München

Regest

Kaiser Ludwig IV. erhebt die Freien von Sannegg zu Grafen von Cilli.

Transkription

WIR LUODOWIG von GOTES GENADEN romiſcher KEIſer ze allen zeiten merer dez reichs. Ueriehen vnd tûn kunt offenbar an diſem brief allen den die in anſehent oder hoͤrent leſen. Daz zvͦ vns chom der edel man Fridereich frey von Sewenegk vnſer lieber getrewer vnd bat vns flehlichen, daz wir in vnd ſein erben die er iezund hat, oder noh gewinnet mit ſampt iren nahchomen von beſundern gnaden ze grafn ſchephten vnd mahten vnd in grafn namen gæben von Cyli. Wan wir nu von der phleg dez hailigen roͤmiſchen reichs dar zvͦ wir von got geuordert ſein alle vnſer vnd dez reichs getrewen, die dar zwͦ geborn ſind ieden man in ſeiner aht zvͦ grozzern eren vnd wirden fuͤrdern ſullen, daz wir wol getwͦn muͤgen vnd haben daz getan durch vnſerr oͤheim von Oͤſtereich bet vnd mit irem willen. Wan auch der vorgen. frey von Sewenegk vnd ſein vordern vns, vnd dem reiche nutzleich dienſt getan habent, die auch er, ſein erben, vnd ir nahchomen noh furbaz alle zeit getun mûgen vnd ſullen. Vnd wan auch ſi sogetan herſchaft, gebiet, gericht, ere, guͤlt vnd gut habent, die ſich anhebent datz dem dorf daz gehaizzen iſt Gecluck vnder Hohenegk in dem hertzentum ze Steyr vnd get biz zu dem dorf daz genant iſt Gaberch, die nah der leng habent vier meil, vnd da ſelben ſind auch diw gemerck der gebiet diw genant iſt Rochatz. Auch hebent ſich an nah der . . . herschaft vnd gebiet datz dem dorf daz gehaizzen iſt Grewͤblitz daz da ſtozzet an daz gemerck Lantzperg in dem byſtuͦm zu Gurgg vnd gend biz zv dem dorf daz gehaizzen iſt Sabiach bei Veuſtritz in dem hertzentuͦm ze Steyr, daz ſich auch ziucht auf vier meil, daz alles gehort hat vnd gehoret zvͦ der herschaft Lengenbvrch da von ſi wol grafn muegen ſein vnd ſich auch als grafn halten. Vnd dar vmb haben wir dez offtgen. Frid. von Sewenegk fleizzig bet von vnſrer angeboren gvt vnd ſanftmutikeit genediclich erhoͥrt vnd ſchepphen vnd machen in, sein erben die er iezund hat oder furbaz gewinnet vnd ir nahchomen von vnserem kayſerlichen gewalt . . . vnd geben in grafen namen von Cyli vnd verleihen auch in dieſelbe grafſchat mit allen rehten eren freihaiten vnd gvten gewonhaiten mit ſampt den gerihte die ander vnſer vnd des reichs grafn habent oder gehaben muͤgen vnd ſullen. Und dar vmb gebieten wir allen vnsern vnd dez reichs getrewen .. Fursten . . . grafn freyen dienstmanen . . . rittern knehten edeln vnedeln .. armen, vnd reichen wie si genant ſein daz ſi den offtgen. Frid. von Seweneck, ſein erben vnd ir nahchomen furbaz . . . grafen von Cyli . . . vnd heizzen mvgn ſi auch als ander vnſer vnd des reichs grafen eren vnd wirden als lieb in vnſer vnd dez reichs hulden ſein. Vnd dar vber ze einem vrchunde geben wir in diſen brief mit vnſerm keyſerlichen inſigel verſigelten. Der geben iſt ze Munichen an montag nah der oſterwochen do man zalt von Kristes geburt drewzehen hundert iar dar nach in dem ain vnd viertzigestim iar in dem siben vnd zwainzigestim iar vnſers richs vnd in dem viertzehendem dez keyſertumes.

Archivvermerke

Wie kaiser Ludwig hern Fridreichen von
Sannekh zu grauen zu Cili gemacht hat.

1341

Cili i^c xxiij

Ladl: 43 No: 4

Beschreibung

1 Sig. pend. besch. rest. Ludwig IV., ungefärbtes Wachs, rund, 105 mm; Rücksiegel

Perg., 62,5 x 39,5 cm, Plica 8,5 cm, restauriert, schwere Wasserschäden.

Überlieferung

Ausfertigung

Arhiv Republike Slovenije, Zbirka listin, 1341 IV 16 (SI AS 1063/4065)

ehemalige Signaturen ARS: CE I 65; C/65, ZL 4065

vormals: Haus-, Hof- und Staatsarchiv, Allgemeine Urkundenreihe, 1341 IV 16 (bis 1983)

Abschrift

Steiermärkisches Landesarchiv, Allgemeine Urkundenreihe, 2185a

Nachweise

Drucke

Krones, Franz: Die Freien von Saneck und ihre Chronik als Grafen von Cilli. Zweiter Theil: Die Cillier Chronik. Text mit kritischer Einleitung und historischen Erläuterungen. Graz 1883, S. 174f. SLUB Dresden OBV

Kos, Dušan (Hg.): Celjska knjiga listin I. Listine svobodih gospodov Žovneških do leta 1341. Ljubljana-Celje 1996, Nr. 212 S. 235-238. OBV

Christian Domenig, Die Urkunden der Grafen von Cilli (1341-1456). Bd. 1., Nr. 1 (in Bearbeitung).

Abbildung

Kos, Dušan (Hg.): Celjska knjiga listin I. Listine svobodih gospodov Žovneških do leta 1341. Ljubljana-Celje 1996, Nr. 212 S. 236. OBV

Regesten

Böhmer, Johann Friedrich: Die Urkunden Kaiser Ludwigs des Baiern, König Friedrich des Schönen und König Johanns von Böhmen. Frankfurt am Main 1839, Nr. 3458 S. 374. OBV

Krones, Franz: Die Freien von Saneck und ihre Chronik als Grafen von Cilli. Erster Theil: Die Freien von Saneck und der erste Graf von Cilli. Quellenmäßige Geschichtsstudie. Graz 1883, Nr. 105 S. 167 SLUB Dresden OBV

Krones, Franz: Urkunden zur Geschichte des Landesfürstenthums, der Verwaltung und des Ständewesens der Steiermark von 1283–1411. In Regesten und Auszügen (Veröffentlichungen der Historischen Landeskommission für Steiermark 9). Graz 1899, Nr. 159 S. 44 ALO OBV

Thomas, Christiane: Cillier Urkunden (2. Teil). Archivbehelf zu den durch das österreichisch-jugoslawische Archivabkommen betroffenen Beständen der Allgemeinen Urkundenreihe. Mitteilungen des Österreichischen Staatsarchivs 37 (1984), Nr. 77 S. 368. OBV

Domenig, Christian: "tuon kunt". Die Grafen von Cilli in ihren Urkunden (1341-1456). Klagenfurt (Diss.) 2004, Nr. 1 S. 134. OBV

Internet

[RI VII] H. 8 n. 442, in: Regesta Imperii Online, URI: http://www.regesta-imperii.de/id/1341-04-16_1_0_7_8_0_442_442 (Abgerufen am 09.09.2013).