U-1351-01-09-0001
1351 Januar 9, Cilli
Regest
Hans von Stein verkauft Graf Friedrich I. von Cilli mehrere Huben um 200 Mark Agleier Pfennige
Transkription
Ich Hanns von Stain mein wirtinn vnd all vnser erben veriehen mit disem brif allen den die in sehent horent oder lesent daz wir dem edeln herren graf Fridr. von Cili seiner wirtinn vnd iren erben recht vnd redleich verchauft haben zwainczich march Agleyer geltes des funf huben gelegen sint ze Apholter darauf siczent suppan Juri vnd Janes vnd sein pruder Juri vnd Martin vnd Jacob vnd ze dem Guldeinueld vir huben dar auf sitzent suppan Marin vnd Sthephan vnd Janes vnd Laure vnd am Pichenicz ain hub da Hermann auf siczet, daz alles lehen ist von vnserm herren von Osterreich vnd ze Strachaulach zwo huben da Janko vnd Juri auf siczet. Vnd ze Cirklach ain hub da Janes auf sitzet. Vnd ze Balchobicz ain hub da Hermann auf sitzet. Vnd an dem Precor zwo huben dar auf siczent Jarne vnd Mainhart vnd ze Saloch ain hoff vnd ain ode hub da Janes auf siczet. Vnd ze Raffoltstorff ain hoff des zwo huben sint da Mainhart auf siczet das alles aigen ist. Die vorgenanten zwaintzich march geltes mit allew vnd darczu gehert veld holcz wazzer waid wismad stoch vnd stain gesucht oder vngesucht lewt vnd gut allen in geslozzen nichtes auz genomen daz alles haben wir in verchauft vmb zway hundert Agleyer march Ageleyer phenning der wir genczleich gewert sein vnd haben in daz auf geben vnd gemacht mit allew vnd darczu gehort oder gehoren sol, waz lehen ist mit der lehenherren hant, waz aigen ist mit der erben hant. Auch sulle wir vnd vnser erben in vnd iren erben die vorgenanten zwaintzich march geltes mit allew vnd darczu gehert oder gehoren sol, lewt vnd gut schermen vnd vertreten vor aller ansprach nach landes [!] tet wir des nicht welichen schaden sew des nement den ir aines pei seinen trewen gesagen mag an ander pewerung den sulle wir in ablegen an all widerred. Vnd sullen sew daz haben auf vns vnd auf vnsern trewen vnd auf allew dew wir haben oder noch gewinnen. Vnd des ze vrchund geben wir in disen brf der versigelt ist mit meins vorgenants Hannsen insigel. Der geben ist dacz Cili nach Christes gepürd drewzehen hundert jar darnach in dem ain vnd funfczichistem jar des suntags nach dem Perichtag.
Beschreibung
Ausf. Perg. 27 x 15 cm.
1 Sig. pend. ab.
Archiv
Ausfertigung
Arhiv Republike Slovenije, Zbirka Listin, 1351 I 9 (SI AS 1063/4110)
ehemalige Signaturen: CE I 110; C/110
vormals: Haus-, Hof- und Staatsarchiv, Allgemeine Urkundenreihe, 1351 I 9 (bis 1983)
Nachweise
Regesten
Krones, Franz: Die Freien von Saneck und ihre Chronik als Grafen von Cilli. Erster Theil: Die Freien von Saneck und der erste Graf von Cilli. Quellenmäßige Geschichtsstudie. Graz 1883, Nr. 156 S. 170 SLUB Dresden OBV
Thomas, Christiane: Cillier Urkunden (3. Teil). Archivbehelf zu den durch das österreichisch-jugoslawische Archivabkommen betroffenen Beständen der Allgemeinen Urkundenreihe. Mitteilungen des Österreichischen Staatsarchivs 38 (1985), Nr. 128 S. 362. OBV
