U-1341-04-16-0001
1341 April 16, München
Regest
Kaiser Ludwig der Bayer erhebt die Freien von Sannegg zu Grafen von Cilli.
Transkription
WIR LUODOWIG von GOTES GENADEN romischer KEIser ze allen zeiten merer dez reichs. Ueriehen vnd tun kunt offenbar an disem brief allen den die in ansehent oder hoͤrent lesen. Daz zv vns chom der edel man Fridereich frey von Sewenegk vnser lieber getrewer vnd bat vns flehlichen daz wir in vnd sein erben die er iezund hat oder noh gewinnet mit sampt iren nahchomen von besundern gnaden ze grafn schephten vnd mahten vnd in grafn namen gæben von Cyli. Wan wir nu von der phleg dez hailigen roͤmischen reichs dar zv wir von got geuordert sein alle vnser vnd dez reichs getrewen die dar zw geborn sind ieden man in seiner aht zv grozzern eren vnd wirden fuͤrdern sullen, daz wir wol getrewn muͤgen vnd haben daz getan durch vnserr oͤheim von Oͤstereich bet vnd mit irem willen. Wan auch der vorgen. frey von Sewenegk vnd sein vordern vns vnd dem reiche nutzleich dienst getan habent, die auch er, sein erben vnd ir nahchomen noh furbaz alle zeit getun mûgen vnd sullen. Vnd wan auch si sogetan herschaft, gebiet, gericht, ere, guͤlt vnd gut habent, die sich anhebent datz dem dorf daz gehaizzen ist Gecluck vnder Hohenegk in dem hertzentum ze Steyr vnd get biz zu dem dorf daz genant ist Gaberch, die nah der leng habent vier meil vnd da selben sind auch diw gemerck der gebiet diw genant ist Rochatz. Auch hebent sich an nah der . . . herschaft vnd gebiet datz dem dorf daz gehaizzen ist Grewͤblitz daz da stozzet an daz gemerck Lantzperg in dem bystuͦm zu Gurgg vnd gend biz zv dem dorf daz gehaizzen ist Sabiach bei Veustritz in dem hertzentuͦm ze Steyr, daz sich auch zucht auf vier meil, daz alles gehort hat vnd gehoret zv der herschaft Lengenbvrch da von si wol grafn muegen sein vnd sich auch als grafn halten. Vnd dar vmb haben wir dez offtgen. Frid. von Sewenegk fleizzig bet von vnsrer angeboren gvt vnd sanftmutikeit genediclich erhoͥrt vnd schepphen vnd machen in, sein erben die er iezund hat oder furbaz gewinnet vnd ir nahchomen von vnserem kayserlichen gewalt . . . vnd geben in grafen namen von Cyli vnd verleihen auch in dieselbe grafschat mit allen rehten eren freihaiten vnd gvten gewonhaiten mit sampt den gerihte die andervnser vnd des reichs grafn habent oder gehaben muͤgen vnd sullen. Und dar vmb gebieten wir allen vnsern vnd dez reichs getrewen n. Fursten . . . grafn freyen dienstmanen . . . rittern knehten edeln vnedeln armen vnd reichen wie si genant sein daz si den offtgen. Frid. von Seweneck, sein erben vnd ir nahchomen furbaz . . . grafen von Cyli . . . vnd heizzen mvgn si auch als ander vnser vnd des reichs grafen eren vnd wirden als lieb in vnser vnd dez reichs hulden sein. Vnd dar vber ze einem vrchunde geben wir in disen brief mit vnserm keyserlichen insigel versigelten. Der geben ist ze Munichen an montag nah der osterwochen do man zalt von Kristes geburt drewzehen hundert iar dar nach in dem ain vnd viertzigestim iar in dem siben vnd zwainzigestim iar vnsers richs vnd in dem viertzehendem dez keysertumes.
Beschreibung
Ausf. Perg. 62,5 x 39,5 cm, Plica 8,5 cm, Restauriert, Urkunde schwere Wasserschäden.
1 Sig. pend. rest. Kaiser Ludwig, Wachs 105 mm; Rücksiegel besch.
Archiv
Ausfertigung
Arhiv Republike Slovenije, Zbirka Listin, 1341 IV 16 (SI AS 1063/4065)
ehemalige Signaturen: CE I 65; C/65
vormals: Haus-, Hof- und Staatsarchiv, Allgemeine Urkundenreihe, 1341 IV 16 (bis 1983)
Abschriften
Steiermärkisches Landesarchiv, Allgemeine Urkundenreihe, 2185a
Nachweise
Drucke
Krones, Franz: Die Freien von Saneck und ihre Chronik als Grafen von Cilli. Zweiter Theil: Die Cillier Chronik. Text mit kritischer Einleitung und historischen Erläuterungen. Graz 1883, S. 174f. SLUB Dresden OBV
Kos, Dušan (Hg.): Celjska knjiga listin I. Listine svobodih gospodov Žovneških do leta 1341. Ljubljana-Celje 1996, Nr. 212 S. 235-238. OBV
Abbildung
Kos, Dušan (Hg.): Celjska knjiga listin I. Listine svobodih gospodov Žovneških do leta 1341. Ljubljana-Celje 1996, Nr. 212 S. 236. OBV
Regesten
Böhmer, Johann Friedrich: Die Urkunden Kaiser Ludwigs des Baiern, König Friedrich des Schönen und König Johanns von Böhmen. Frankfurt am Main 1839, Nr. 3458 S. 374. OBV
Krones, Franz: Die Freien von Saneck und ihre Chronik als Grafen von Cilli. Erster Theil: Die Freien von Saneck und der erste Graf von Cilli. Quellenmäßige Geschichtsstudie. Graz 1883, Nr. 105 S. 167 SLUB Dresden OBV
Krones, Franz: Urkunden zur Geschichte des Landesfürstenthums, der Verwaltung und des Ständewesens der Steiermark von 1283–1411. In Regesten und Auszügen (Veröffentlichungen der Historischen Landeskommission für Steiermark 9). Graz 1899, Nr. 159 S. 44 ALO OBV
Thomas, Christiane: Cillier Urkunden (2. Teil). Archivbehelf zu den durch das österreichisch-jugoslawische Archivabkommen betroffenen Beständen der Allgemeinen Urkundenreihe. Mitteilungen des Österreichischen Staatsarchivs 37 (1984), Nr. 77 S. 368. OBV
Domenig, Christian: "tuon kunt". Die Grafen von Cilli in ihren Urkunden (1341-1456). Klagenfurt (Diss.) 2004, Nr. 1 S. 134. OBV
Internet
[RI VII] H. 8 n. 442, in: Regesta Imperii Online, URI: http://www.regesta-imperii.de/id/1341-04-16_1_0_7_8_0_442_442 (Abgerufen am 09.09.2013).
