Göth Regesten Steiermark 95
Georg Göth, Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 5-13 (1854-1864).
95. 1347. 25. Novemb. In Christi nomine Amen, Anno Natiuitatis eiusdem Millesimo trecentesimo quadragessimo septimo, indictione quinta decima, die uicesimo quinto mensis Nouembris, praesentibus prudente Viro, domino Jacobo de Canto Vicario Domini Patriarchae infrascripti, Nobilibus viris, dominis Joanne de Cutan, et Eberhardo de Altenburg militibus, ac Odorico de Castello, testibus et alijs. Constitutus in praesentia Reuerendi in Christo patris, et domini, Domini Bertrandi, Dei gratia Sanctae Sedis Aquilegiensis Patriarchae, discretus Vir Paulinus Notarius eiusdem domini Patriarchae, Procurator nobilium virorum dqminorum Martini et Joannis fratrum de Reitheneg, ad infrascripta specialiter constitutus, prout de procurio huiusmodi constat, patentibus litteris, datis Ciliae in die Sancti Martini Episcopi anno praedicto, sigillis dicti domini Martini et domini Rudolphi militis de Suneg patrui sui sigillalis, a me notario infrascripto uisis et lectis, procurio nomine antedicto, non per circumuentionem aliquam uel errorem, sed pure, sponte, libere, et expresse, ac ex certa scientia renuntiauit, in manibus eisdem domini Patriarchae, feudo, decimae bladi et Vini in praedio Tyffer, in medio sitae in Retschiz, ac omnibus iuribus et pertinentijs suis, ipsis fratribus competentibus in eadem. Quam quidem renuntiationem idem dominus Patriarcha acceptauit benignius et admisit. Et post haec uolens Magnifico et potenti Viro domino Friderico comiti Ciliae, obtentu deuotionis suae, gratiam facere specialem per se suosque snccessores (sic!), et nomine Aquilegiensia Ecclesiae, praedictam decimam ipsi Domino Comiti, pro ae ac suis haeredibus recipienti, in feudum eo iure, quo praedicti fratrea illam habebant et tenebant ab Fcclesia (sic!) Apuilegiensi (sic!), tradidit et concessit, eumque per fimbriam suae guarnarchiae praesentialiter inuestiuit, saluo iure Aquilegiensis Ecclesiae et omnium personarum, dictus uero dominus comes statim praestitit ipsi domino Patriarchae, et Aquilegiensi Ecclesiae fidelitatis debitae Juramentum, quod Vasallus domino suo praestare in talibus consueuit. In quorum testimonium praefatus dominua Patriarcha mandauit, praesens publicum Instrumentum confici per me Notarium infrascriptum, et sui Sigilli appensiene muniri, Actum in ciuitate Austria in brolio domini Conradi Plebani Quadrupij. — Ego Gerubertinus quondam Domini Resonadi de nouate Mediolanensis Dieceais, publicus Imperiali authoritate Notarius, ac praefati Domini Patriarchae officialis et Scriba praemissis interfui, et de mandato eiusdem Domini hoc Instrumentum inde rogatus scripsi et publicaui. T. I. 886.
