U-1362-07-03-0001

1362 Juli 3, Pressburg

Regest

Herzog Rudolf IV. verleiht den Grafen Ulrich I. und Hermann I. von Cilli den Juden Chatschim mit Familie auf Lebenszeit

Transkription

Wir Ruͦdolf der vierd von gots genaden erczherczog ze Oserreich ze Steyer vnd zu Keͣrnden herre ze Chrayn vf der Wyndischen marich vnd ze Porttenow grafe zu Habspurg ze Phyrtt vnd ze Kyburg marichgraf ze Burgow vnd lantgraf in Elsazzen, bechennen vnd tuͦn kunt offenlichen mit disem briefe fur vns vnser bruͦder vnser erben vnd nachkomen daz wir den edeln vnsern lieben getrewn Vlrichen vnd Hermann bruͦdern grafen von Cyli vnd irn erben durch der getrewen vnd einczigen dienst willen die vns diselben grafen getan habent vnd noch furbazzer wol getuͦn mugen vnd sullen von vnsern fürstlichen miltichait verlihen haben vnd leihen auch Hatschym den juden sein hausfrawn vnd seinen sune also daz dieselben zwen juden vnd desselben Hatschyms hausfrown hinder in sitzen vnd beleiben sullen wa in das aller pest fuͦget vnd sullen ouch diselben grafen die egenanten juden vnd judinne zuͦ derselben juden vnd judinne lebtagen innehaben vnd niezzen mit stewren vnd mit allen andern nutzen vnd rechten ze gelaicher wise als wir selber. Es mugen vnd sullen ouch dieselben juden vnd judinne sicherlichen vnd vreileichen alle wandlunge gehaben in vnsern landen mit eyt daz ze leihen vnd mit allen andern sachen vnd ouch alle ander recht vnd guͦt gewoheit haben die vnser juden in vnsern landen habent an alle irrunge vnd hindernizze. Wir sullen ouch furbazzer chain ansprach noch vorderunge mer nach denselben juden vnd judinne haben noch gewinnen in dhainen wege alle die weil sie lebent wand wir vns dersleben ansprach vnd vordrunge fur vnsselber für die egenannten vnser bruder vnser erben vnd nachkomen gancz vnd gar daran verczigen haben vnd verczeihen ouch. Mit vrkunde dicz briefs besigelten mit vnserm grozzen furstlichen insigel. Der geben ist ze Prespurg an suntag vor sant Vͦlrichs tage nach Christes geburt tausent drewhundert iar vnd darnach in dem zway vnd sechczigisten jare vnsers alters in dem drew vnd zwainczigistem vnd vnsers gewaltes in dem vierden jare.

⁜ Wir der vorgenant herzog Ruodolf sterken disen prief mit dirr vnderschrift vnser selbs hant ⁜

Beschreibung

Ausf. Perg. 43 x 20,5 cm, Plica 7 cm

1 Sig. pend. Herzog Rudolf, Wachs 128 mm; Rücksiegel

Archiv

Ausfertigung

Arhiv Republike Slovenije, Zbirka Listin, 1362 VII 3 (SI AS 1063/4192)

ehemalige Signaturen: CE I 192; C/192

vormals: Haus-, Hof- und Staatsarchiv, Allgemeine Urkundenreihe, 1362 VII 3 (bis 1983)

Nachweise

Drucke

Rosenberg, Artur: Beiträge zur Geschichte der Juden in Steiermark. Wien-Leipzig 1914, Nr. 9, S. 157f. Internet-Archiv

Regesten

Lichnowsky, Eduard Maria von: Geschichte des Hauses Habsburg. Vierter Theil: Vom Regierungsantritt Herzog Rudolfs bis zum Tode Herzog Albrecht des Dritten. Wien 1839, Nr. 393, S. DCXIV. Internet-Archiv

Wiener, Meir: Regesten zur Geschichte der Juden in Deutschland während des Mittelalters. Erster Theil. Hannover 1862, Nr. 69 S. 226. Internet-Archiv

Krones, Franz: Urkunden zur Geschichte des Landesfürstenthums, der Verwaltung und des Ständewesens der Steiermark von 1283–1411. In Regesten und Auszügen (Veröffentlichungen der Historischen Landeskommission für Steiermark 9). Graz 1899, Nr. 232 S. 61 ALO OBV

Domenig, Christian: "tuon kunt". Die Grafen von Cilli in ihren Urkunden (1341-1456). Klagenfurt (Diss.) 2004, Nr. 38 S. 141. OBV