U-1363-04-27-0001

1363 April 27, Wien

Regest

Herzog Rudolf IV. von Österreich schließt mit Graf Albrecht III. von Görz einen Erbvertrag.

Transkription

Wir Ruͦdolf der vierd von gotes gnaden erzherzog ze Oͤsterreich ze Steyer vnd ze Kernden herre ze Chrayn auf der Windischen marich vnd ze Porttnaw graf ze Habspurch ze Tyrol ze Phyrtt vnd ze Kyburch margraf ze Purgow vnd lantgraf in Elsazzen bechennen offenlich mit disem brief vmb den gewerb vnd teyding so wir mit dem edeln vnserm lieben oͤheim graf Albr. von Goͤrcz sein vber ain chomen in semlicher weis vnd maynung ob der obgenannt graf Albr. vnd sein pruͦder vnser lieber oͤheim graf Meinhart von Goͤrz an svne abgen davor got sey daz danne des obgenanten graf Albrechts herschafft stet vest leutt vnd guͦt vnd waz darczuͦ gehoͤrt auf vns vnd auf vnser pruͤder vnd auf vnser erben ledichleich sol geuallen. Wer aber daz der vorgen. graf Albr. vor seinem pruͤder dem obgen. graf Meinhr. an sone abgieng so sullen all die herscheft stet vest leutt vnd guͤter vnd waz darczuͦ gehoͤrt waz der egen. graf Albr. ieczund hat oder noch furbaz gewinnet den obgen. graf Meinhr. vnd sein sone ledichlich anerben vnd geuallen vnd sullen wir noch vnser pruͤder noch vnser erben den obgen. graf Meinhr. vnd sein svne dar an nicht irren noch angen. Mit vrchund dicz briefs. Geben ze Wienn an phincztag nach sand Joͤrgen tag. Nach Christes gepurd dreuczehen hundert iar darnach in dem drew vnd sechczigistem jar vnsers alters in dem vier vnd zwainczigistem vnd vnsers gewalts in den fumften jar.

Beschreibung

Ausf. Perg.

Archiv

Ausfertigung

Haus-, Hof und Staatsarchiv Wien, Allgemeine Urkundenreihe, 1363 IV 27

Nachweise

Regest

von Lichnowsky, Eduard Maria: Geschichte des Hauses Habsburg. Vierter Theil: Vom Regierungsantritt Herzog Rudolfs bis zum Tode Herzog Albrecht des Dritten. Wien 1839, Nr. 464, S. DCXX. Digitalisat OBV

Wiessner, Hermann: Monumenta historica ducatus Carinthiae X. Die Kärntner Geschichtsquellen 1335-1414. Klagenfurt 1968, Nr. 622, S. 203f. OBV

Internet

http://www.mom-ca.uni-koeln.de/mom/AT-HHStA/AUR/AUR_1363_IV_27/charter