Göth Regesten Steiermark 314

Georg Göth, Urkunden-Regesten für die Geschichte von Steiermark vom Jahre 1252 bis zum Jahre 1580. In: Mittheilungen des historischen Vereines für Steiermark 5-13 (1854-1864).

---

314. 1413. Frisaci, 1. October. (Schreibweise im Dokument: Octobris) Eberhardus Dei gratia Sanctae Salzburgensis Ecclesiae Archiepiscopus, Apostolicae Sedis Legatus, Dilecto nobis in Christo Rectori parochialis ecclesiae B. V. Mariae in Leoben, aut eius locum tenenti, nostrae Dioecesis, Salutem in Domino, Quia ad parochialem Ecclesiam Sancti Dionisii supra Muhr nostrae Dioecesis uacantem ad praesens per mortem Joannis Stübyer, ultimi et immediati ipsius Ecclesiae Rectoris, per dilectam nobis in Christo Alysam Abbatissam in Gössa, ad quam ius Patronatus dictae Ecclesiae Sancti Dionisii dignoscitur pertinere, nobis praesentatum instituimus ipsumque per librum, ut moris est, iuestimus, et de eadem praesentibus inuestimus curam animarum, administrationem spiritualium et temporalium eidem committendo. Quare dilectioni tuae committimus et mandamus, quatenus eundem Dauid, seu suum in hac parte procuratorem eius nomine in praefatae Ecclesiae Sancti Dionisii ac omnium iurium et pertinentiarum ipsius corporalem possessionem per te uel alium inducas, et inductum defendas, faciens sibi de ipsius Ecclesiae Sancti Dionisii fructibus, redditibus, prouentibus, iuribus, et obuentionibus uniuersis, ab omnibus, quorum interest, integre responderi, contradictores et rebelles quoscunque auctoritate nostra per censuram ecclesiasticam firmiter compescendo. Datum Frisaci mensis Octobris die prima, Anno Domini Millesimo, quadrigentesimo tertio decimo. Tom. IV. p. 683.