Christian Domenig am 8. Oktober 2022 um 12:40 Uhr

2022-10-08T12:40:23Z

← Nächstältere Version		Version vom 8. Oktober 2022, 14:40 Uhr
Zeile 14:		Zeile 14:
	{{:U-1451-04-11-0001}}		{{:U-1451-04-11-0001}}
	{{:U-1455-10-06-0001}}		{{:U-1455-10-06-0001}}

	[weitere Urkunden inseriert]		[weitere Urkunden inseriert]

Zeile 50:		Zeile 49:
	== Nachweise ==		== Nachweise ==

	== Faksimile ==		=== Faksimile ===

	Žižek, Aleksander: Karel VI. potrdi celjske mestne svoboščine. 1717, september 18, Dunaj. Bd. 1. Celje 2004.		Žižek, Aleksander: Karel VI. potrdi celjske mestne svoboščine. 1717, september 18, Dunaj. Bd. 1. Celje 2004.

Christian Domenig: Die Seite wurde neu angelegt: „'''1717 September 18, pubPlace::Wien''' == Regest == abstract::Kaiser Karl VI. bestägigt der Stadt Cilli ihre Freiheiten == Transkription == WIR CARL der sechste von gottes gnaden erwehlter Römiſcher keiſer, zu allen zeiten mehrer des reichs, könig in Germanien, zuͦ Caſtilien, Arragon Legion, beeder Sicilien zu Hieruſalem, Huͦngern, Böheimb, Dalmatien, Croatien, Slavonien, Navarra,…“

2022-10-08T09:48:31Z

Die Seite wurde neu angelegt: „'''1717 September 18, pubPlace::Wien''' == Regest == abstract::Kaiser Karl VI. bestägigt der Stadt Cilli ihre Freiheiten == Transkription == WIR CARL der sechste von gottes gnaden erwehlter Römiſcher keiſer, zu allen zeiten mehrer des reichs, könig in Germanien, zuͦ Caſtilien, Arragon Legion, beeder Sicilien zu Hieruſalem, Huͦngern, Böheimb, Dalmatien, Croatien, Slavonien, Navarra,…“

Neue Seite

'''[[date::1717-09-18|1717 September 18]], [[pubPlace::Wien]]'''

== Regest ==

[[abstract::Kaiser Karl VI. bestägigt der Stadt Cilli ihre Freiheiten]]

== Transkription ==

WIR [[authority::Karl VI., Kaiser|CARL der sechste]] von gottes gnaden erwehlter Römiſcher keiſer, zu allen zeiten mehrer des reichs, könig in Germanien, zuͦ Caſtilien, Arragon Legion, beeder Sicilien zu Hieruſalem, Huͦngern, Böheimb, Dalmatien, Croatien, Slavonien, Navarra, Granaten, Toledo, Valenz, Gallicien, Sarddinien, Corduba, Corsica, Murcien, Giennis, Algarbien, Algeziern, Gibraltar, des canariſchen und indianiſen inſuͦlen uͦnd terra firma des oceaniſchen meers, erczherzog zuͦ Oesterreich, herzog zuͦ Buͦrguͦnd, zuͦ Brabant, zuͦ Meÿland, zuͦ Steÿr, zuͦ Kärnthen, zuͦ Crain, zuͦ Limbuͦrg zuͦ Lüczenbuͦrg, zuͦ Geldern, zuͦ Wirtemberg, Ober- uͦnd Nieder Schleſzien, zuͦ Galabrien, zuͦ Athen uͦnd zuͦ Neopatrien, fürſt zuͦ Schwaben, zuͦ Catalonien uͦnd Asturien, marggraffe deſz heÿligen Römischen reichs zuͦ Buͦrgauͦ zuͦ Mährern, Ober- uͦnd Niderlauͦſsniz, gefürſteter graf zuͦ Habſbuͦrg, zuͦ Flandern zuͦ Tÿrol, zuͦ Artheis, landgraff in Elſaſz, marggraff zuͦ Oriſtani, graff zuͦ Goziani zuͦ Namur, zuͦ Rusillion, uͦnd Geritania, herr auͦf der Windischen marck, zuͦ Portenauͦ, zuͦ Biscaia, zuͦ olins, zuͦ Salins, zuͦ Tripoli uͦnd zuͦ Mechelen '''Bekennen''' offentlich mit diſem brieff uͦnd thuͦen kuͦndt allermänniglich daſz beÿ unſz unſere getreüe liebe n. richter, rats uͦnd gemeine buͦrgerſafft unſerer in unſerem herzogthuͦmb Steÿer im viertel Cilli ligenden statt Cillÿ aller uͦnterthännigſt für uͦnd angebracht maſz geſtalten ſo wohl von unſeren hochgeehrteſten vorfahren am heÿligen Römiſchen reich uͦnd uͦnſerem duͦrchleüchtigiſten erczhauͦſz alſz denen vorhin geweſten grafen zuͦ Cillÿ duͦrch mehr alſz zweÿ huͦndert jahr her uͦnd zwar inſonderheit von weÿland keÿſern Fridrich dem vierten Maximiliano dem erſten, Ferdinandis dem anderten uͦnd dritten, wie auͦch lezterns von weÿland uͦnſers in gott ruͦhenden gnädig uͦnd hochgeehrteſten herrn uͦnd vatters keÿſers Leopoldi, uͦnd uͦnſers frdl. geliebteſten herrn bruͦders Josephi maÿ. maÿ. uͦnd lbden. lbden chriſtmildeſter gedächtnuͦs, unterm zehenten zener des sechszehenhundert ain uͦnd sibenzigiſten uͦnd zwaÿ uͦnd zwainzigiſten Octobris des sibenzehenhuͦndert uͦnd sibenten jahrs obbemelter unſeres landsfürstlichen statt Cillÿ verſidene gnaden uͦnd freÿheiten respective von neüem ertheilt, inder vor jahren daſselbſt entſtandenen feÿersbruͦnſt aber deren alte originalia insgeſambt leÿder, gänzlich verlohren gangen wären; uͦnd unſz dahero alleruͦnterthännigſt gebetten wir geruͦheten alſz iezt regirender herr uͦnd landsfürst ihnen nicht allein ſolche von alters herhabende gnaden uͦnd freÿheiten gleichergeſtalten allergnädigiſt zuͦerneüeren uͦnd zuͦbeſtatten, ſondern auͦch die unͦſs in glauͦbwürdiger abſchrifft fürgebrachte uͦnd theils auͦch beÿ unſerer geheimben hoffcanzleÿ hiervon befindliche uͦrkuͦndten dem unterthännigſt gebettenen confirmations diplomati gnädigſt einverleiben zuͦ lassen.

'''Immaſſzen wir''' nun diſe uͦnterthännigſte bitte auch die unſz uͦnd uͦnſerem duͦrchleuchtigiſten erczhauͦſz von beſagter uͦnſerer statt Cillÿ zuͦ kriegs uͦnd fridenszeit in allen vorfallenheiten beſtändig erwiſene treü uͦnd gehorſamb gnädigſt angeſehen beÿnebens alle uͦnſere getreüe unterthannen uͦnd landsinſaſſen beÿ ihren wohlerworbenen freÿheiten zuͦlaſſen uͦnd zuͦerhalten iederzeit geneigt ſeÿnd. Alſz haben wir mit wolbedachtem muͦtts, guͦtem rath uͦnd rechtem wiſſen eingangs ernanten n. richter rats uͦnd der gemeinen buͦrgerſafft daſelbſt in uͦnſzerer statt Cillÿ solch ihre althergebrachte privilegien, gnaden, freÿheiten, recht uͦnd gerechtigkeit |: was wir daran von recht uͦnd billichkeit wegen beſtätten können, uͦnd ſo weith sÿ in deren würckhlicher beſiz uͦnd üebuͦng ſolche auͦch denen ſeithero etwan darwider ergangenen landsfürſtlichen verordnuͦngen nicht zuͦgegangen ſeÿnd :| hiemit gnädiglich erneüert, beſtättet uͦnd die einverleibuͦng ihrez alten freÿheitsbrieff bewilliget, deren innhalt folgents von worts zuͦ worts alſo lauͦttet:

[22 Urkunden inseriert]
{{:U-1451-04-11-0001}}
{{:U-1455-10-06-0001}}

[weitere Urkunden inseriert]

'''Erneüeren''' uͦnd beſtätten demnach die ieztbeſchribene mehrbemelter uͦnſerer statt Cillÿ nach uͦnd nach verlihene gnaden uͦnd freÿheits brieff |: ſo weits ſelbe, wie gemelt, in deren würcklicher beſiz uͦnd üebuͦng iſt :| auͦs kaÿſer könig uͦnd erzherzoglicher machtsvollkombenheit hiemit wiſſentlich uͦnd in crafft dieſz brieffs.
'''Ordnen''' sezen uͦnd wollen auͦch daſz ſolche ſtetts beÿ cräfften berbleiben uͦnd n. richter rath uͦnd gemaine buͦrgerſafft daſelbſt ſich deren inbillichen dingen iederzeit nuͦczlich freÿen uͦnd gebrauͦchen ſollen uͦnd mögen von aller männiglichen ohnverhindert, doch uͦnſz uͦnd anderen an recht uͦnd herrlichkeit ohnvergriffen uͦnd ohnſschädlich.

'''Gebietten''' darauͦf allen uͦnd jeden uͦnſeren nachgeſezten geiſt, uͦnd weltlichen obrigkeiten, pralaten, graffen, freÿen, herren, ritteren, knechten, statthalteren, landmarſchallen, landshauͦptleüthen, landsverweeſeren vizdomben, hauͦbtleüthen, buͦrggraffen, landrichteren, vöggten, pflegeren buͦrgermeisteren, richteren räthen buͦrgeren, gemeinden, uͦnd sonst allen uͦnseren ambtleüthen, uͦnterthanen uͦnd getreüen, was würden, stands oder weeſen die ſeÿnd, hiemit ſo gnädig alſz ernstlich uͦnd wollen, daſz sÿ die offt berührte n. richter, rath uͦnd gemaine buͦrgerſafft uͦnſerer statt Cillÿ gegenwertig uͦnd künfftige beÿ obgeſchribenen ihren altherhabenden uͦnd von uͦnſz hiemit gehörtermaſſen beſtättigten gnaden uͦnd freÿheiten ſtetts ruͦheig verbleiben uͦnd ſich der ſelben wie gemelt, nuͦtzlich freÿen, uͦnd gebrauͦchen laſſen, darwider nicht trängen noch beſchwähren, weder an deren dergleichen zuͦ thuͦen geſtatten in keinerweiſz noch wee alſz lieb einen ieden ſeÿe, uͦnſere ſchwäre uͦngnad uͦnd ſtraff zuͦvermeÿden, das mainen wir ernſtlich mit uͦrkuͦndt dieſz briefs beſigelt mit uͦnſerm keÿſer könig uͦnd erzherzogliche anhangenden inſigl der geben iſt in uͦnſerer statt Wienn den achtzehenden septembris im siebenzehenhuͦndert uͦnd sibenzehenten uͦnſerer reiche des Römiſen im sechſten, deren Spaniſchen im fuͦnfftzehenten, deren Huͦngariſch uͦnd Böheimbiſchen im sibenten jare.

Carl

Ph. Luͦdwig g. v. Sinzendorf

<div align="right">
Ad mandatum sac. cæs. <br />
et cath.<sup>cæ</sup> maj.<sup>tis</sup> proprium.

Johan Joseph edler von Luidl
</div>

<div align="center">
Reg.<sup>tum</sup> Jacobus de Herleinsperg
</div>

== Beschreibung ==

Pap. geb.

== Überlieferung ==

=== Ausfertigung ===

[[surrogate::Zgodovinski arhiv Celje]], Zbrika listin, L 28 (18. Jh.).

== Nachweise ==

== Faksimile ==

Žižek, Aleksander: Karel VI. potrdi celjske mestne svoboščine. 1717, september 18, Dunaj. Bd. 1. Celje 2004.

=== Druck ===

Žižek, Aleksander: Karel VI. potrdi celjske mestne svoboščine. 1717, september 18, Dunaj. Bd. 2. Celje 2004.

=== Auszug ===

Steirische Gerichtsbeschreibungen. Als Quellen zum Historischen Atlas der österreichischen Alpenländer (Quellen zur Verfassungs- und Verwaltungsgeschichte der Steiermark 1). Hg. Mell, Anton; Pirchegger Hans. Graz 1914, S. 395f. Nr. 2 a). [https://permalink.obvsg.at/AC01704765]

[[Kategorie:Urkunde]]
[[Kategorie:Urkunden der Stadt Celje]]

U-1717-09-18-0001 - Versionsgeschichte

Christian Domenig am 8. Oktober 2022 um 12:40 Uhr