Chmel Materialien 1/2 38
Aus Quellen Alpen-Adria
Materialien zur österreichischen Geschichte. Aus Archiven und Bibliotheken. Gesammelt und herausgegeben von Joseph Chmel. Erster Band. Zweites Heft. Wien 1837, S. 57 Nr. XXXVIII.
XXXVIII.
13. October 1439, Material. I. Regg. Nr. 246.
Herzog Friedrich von Oesterreich übergibt dem Bernhard Fuchsperger ein Hallamt zu Aussee.
Wir Fridreich von Gots gnaden Herczog ze Österreich ze Steir ze Kérnden vnd ze Krain Graue ze Tirol etc. Bekennen. Daz wir angesehen vnd bedacht haben, die getrewn vnd willigen dienst, die vnser getrewr, Wernhart Fuchsperger vnser diener, weilent dem Hochgebornen fürsten vnserm lieben herren vnd vater, herczog Ernsten Erczherczogen ze Österreich etc. darnach weilent vnsrer lieben frawn vnd Muter, frawn Zimburgen von Mazaw Erezherczoginn ze Österreich etc. baider loblicher gedèchtnuss, vnd nachmaln vns von Jugent auf vncz her getan hat, noch tut, vnd auch hinfür tun sol, vnd haben Im darumb, vnd sundern gnaden ain Hallambt vnsers Salczsiedens ze Aussee das vn dann mit tod vnd abgang Weilend Hannsen Hofer vnsers Hellinger daselbs zu Aussee ist ledig worden. mit allen den nuczn, gülten. wirden, Ern, Rechten, vnd aller zugehörung, verlihen, vnd leihen Im das auch wissentlich im krafft des briefs, In solher mass daz er das zu den nachstkünftigen weihnèchten.`wit aller vorgenanten seiner zugehörung. Innemen, nuczen vnd niessen soll vnd mag, als dann ander vnser Hellinger daselbs zu Aussee, Irer Hallèmbter niessen. vnd mit allter herkomen istv vngeuerlich. Wir haben Im auch die sunder gnad getan, alldieweil so er vnser diener ist, vnd In in andern vnsern geschèfften nùczen vnd prauchen, daz er dann dasselb Hall Ambt, mit ainem andern besetzen mag, der das in seinem namen, als ob er mit aigem Rukch daselbs gesessen wèr, in allen Sachen vnd notdurfften, als dann darczu gepurte, verwes vnd auzrichte, vnd Im sein nutz Jerlich dauon raichen vnd geben sol, was dann dauon geuellet an geuèrd, Dauon gebieten wir vnserm getrewn lieben Pangrèczen Rintschaden vnserm gegnwurttigen lanntschreiber in Steir oder wer ye zu den zeiten vnser lanntschreiber in Steir is vn wellen ernstlich, daz er den benanten Fuchsperger bei dem obgenanten Hallambt, vnd gnaden, so wir Im vor andern Hellingern darauf vorbehalten haben, von vnsern wegen, vestiklich halt vnd schirm. vnd Im dhainerlay Irrung noch Angriff daran tu, noch des yemand anderm ze tun gestatten in dhainweis an geuèrd. Mit Vrkund des briefs.
Geben zu Newnstat an sand Kolmannstag. Nach Krists geburd im vierczehenhundert vnd newnunddreizzigisten Jare.
Prescripta recognoscimus.
