Chmel Materialien 1/2 31

Materialien zur österreichischen Geschichte. Aus Archiven und Bibliotheken. Gesammelt und herausgegeben von Joseph Chmel. Erster Band. Zweites Heft. Wien 1837, S. 49. Nr. XXXI.

---

XXXI.

28. Februar 1438.
Material. I. Regg. Nr. 200.

Herzog Friedrich d. jüngere von Oesterreich ersucht s. Oheim H. Friedrich d. ältern, s. Räthe zu einer Unterhandlung nach Murau zu senden, u. s. w.

Dem Hochgeborenen Fürsten vnserm lieben Herrn vnd vettern Herczog Fridreichn Herczogn ze Österreich etc.

Hochgeborner fürst lieber herr und Vetter. Als Ir vns yecz nacheinander an zwain ewrn briefn vnder andern sachen geschriben habet wie Ir in kurcz, ewr Rét, herab senndn wellet, die werdn dann mit vns, nach ewrem emphelhen, von tèg vnd andrer sachen wegn, redn. Also wellen wir derselben ewrer Rèt kunfft warttn, vnd lassen ewr lieb wissen, Daz wir auf den Suntag Reminiscere schiristkünfftig zu Grècz bei vnsern lanndlêwten sein werdn, von der sachen wegn, zwischen vnser, vnd des von Cili. Dann auf den Suntag Letare zu mitternastn darnach nachstkomend werden wir mit vnserm Oheim Graf Heinrichn von Görcz ainen tag zu Muraw haltn ain gemècht vnd ainigung dem gannczn haws Osterreich ze nucz vnd frumen ze vernewen. Bittn wir ewr lieb mit gannczem vleiss. Ir wellet vns ewrer Rèt oder diener ainen, auf denselbn tag senndn vnd leihn, der bei solhen sachen sey, vnd ew dann sagen mug, was daselbs für ew, vns, vnd das haws Österreich beslozzn wirdet. Möchtet Ir aber das nicht tún, so wellet doch dem benantn von Görcz schreibn vnd bittn, daz er sich in solher ainigung vnd gemechtnuss gen ew vnd vns frewntlich beweys vnd vindn lass, das dewcht vns gut sein, vnd wurde zu den sachn vast fürdern, vnd denselbn brief, dem gegenwurttigen ewrm bottn schaffet ze antwurttn. Vns hat auch vnser getrewr Hanns Hawczinger, vnser diener gesagt, wie er von ew verstanndn hab, daz Ir gern hienieden ze lannd wêret, von des bads wegen zu Badn, durch gesunds willen ewrs leibs. Bittn wir ewr lieb aber mit sunderm vleiss Ir wellet ewr sachn allenthalbn darnach schikchn , vnd ew herab zu vns in die Newnstat fügn, von dannen Ir dann in dasselb Bad múget kumen wenn vnd wie offt Ir wellet, was wir ew dann darzu vnd in alln sachn frewntschafft, kunnen vnd mugn erzaign des sein wir willig. Wér dann icht notdurfft aws sachn die ew, vns, vnd das haws Österreich berûrent ze redn daz dann das auch also beschéch , das déwcht vns für ew vnd vns gar füglich , vnd ain notdurfft sein.

Gebn zu der Newnstat an freitag vor dem Suntag Inuocavit in der vastn. Anno domini etc. tricesimo octavo.

D. D. in Consilio aul.

Fridreich von gots gnaden Herczog

ze Oesterreich etc.