Chmel Materialien 1/2 42

Materialien zur österreichischen Geschichte. Aus Archiven und Bibliotheken. Gesammelt und herausgegeben von Joseph Chmel. Erster Band. Zweites Heft. Wien 1837, S. 62 Nr. XLII.

---

XLII.

10. Mai 1440. Material. II. Regg. Nr. 279.

Graf Heinrich von Görz quittirt seinem Amtmann zu Villach über gelegte Rechnung.

Wir Heinrich von Gotes gnaden Graue ze Görcz vnd ze Tyrol etc. Bekennen offentleich mit dem brieue für vnz vnd vnzer erben das vnzer Getrewer Niclas Ponperger vnser kanczler pharrer zw Velach vnd Jörg kanczelschreiber, von vnsers gscheffte wegen am heutigen tag datum gegenbürtigs mit vnserm getrewen Christanne Prwnnawer vnserm Ambtmann zw Velach von vnsers ambts wegen daselbs von czwain ganczen Jaren die sich an sand Jorgentag nachstuergangen. Anno Domini etc. Quadragesimo geendet haben ein volkomne Raittung getan habent Also ist dem benannten vnserm Ambtmann alles sein In nemmen vnd darentgegen alles sein ausgeben von den obgemelten Jaren mitsambt der nachsten Remanencz die wir Im sein schuldig gewesen auch des Ambtmans sold zerung in der Raittung auch in dem Pawthing des phleger Burkehhuet vederspiler vnd Jägerrecht Auch was käs vnd prot auf die wisen vnd zawnn gegangen ist mitsambt dem anslag ettwiuil Schultern so er vns dann yeczo in der gegenwurtigen raittung ist Schuldig gewesen nach versigelten brieuen gewissen geschäfften vnd zedeln ye ains nach dem andern ornleich gelegt vnd gesayt vnd abgeczogen worden Noch darüber ist vns der oftgemelte Ambtmann redlicher Raittung schuldig worden Waicz zwelff Mutten. vnd ein halbs mess. Rokken ainvnduirczkch mutten. vnd vier mess. Gersten ein mutt vnd fünf mes. Habern Newnnthalben vnd silbenczkeh mutt. vnd vierdhalb mes. käs Tawsent fünfhundert vnd vierundvierczig käs frisching dreiczehen. Lemper vierczehen. Huner achtczehn Ayr zwayhundert. vnd sibenczigk. Weysad hundert vnd vier Weysad Darentkegen sey wir dem benanntten Ambtman schuldig auch redlicher Raittung Aglayer phenning fünf marck sechs phund fünfczehen aglayer vnd ein helbling Auch hat der obgemelte Ambtman hunttas von allen vergangenen Jaren in vnsern hoff bis auf den heutigen tag geantwurt fünfczig mutt vnd was er noch darüber In nimbt oder eingenomen hat das ist er vns noch schuldig zu verraitten. Die Raittung ist geschehen am Eritag nach dem heyligen Auffartag Anno etc. Quadragesimo.